Издательский дом Редакция Подписка
Погода в Якутске: . 15 oC
КУРС ЦБ: $ 72,86 | 88,65

Саха Өрөспүүбүлүкэтин Ил Түмэн Судаарыстыбаннай Мунньаҕын тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ Андрей Находкин Сылгыһыт күнүнэн эҕэрдэтэ.

Саха Өрөспүүбүлүкэтин Ил Түмэн Судаарыстыбаннай Мунньаҕын тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ Андрей Находкин Сылгыһыт күнүнэн эҕэрдэтэ.

Ытыктабыллаах Саха сирин сылгыһыттара, үлэ бэтэрээннэрэ!

Саха Өрөспүүбүлүкэтин Ил Дарханын 2016 сыл атырдьах ыйын 22 күнүнээҕи 1373 №-дээх Ыйааҕынан хас сыл ахсын кулун тутар 21 күнүгэр Сылгыһыт күнэ бэлиэтэнэр. Бу бэлиэ күнүнэн Ил Түмэн тыа сиригэр уонна аграрнай бэлиитикэҕэ сис кэмитиэтин уонна тус бэйэм ааппыттан итиитик-истиҥник эҕэрдэлиибин!

Бу күн сылын аайы сылгы иитиитигэр кэскиллээх кэпсэтиилэр тэриллэллэр, өрөспүүбүлүкэтээҕи сылгыһыт күрэҕэ ыытыллар. Быйыл сахалартан биир бастакынан Социалистическай Үлэ Дьоруойун аатын ылбыт сылгыһыт, Чурапчыттан төрүттээх Р.И. Константинов төрөөбүтэ 125 сылыгар аналлаах өрөспүүбүлүкэтээҕи тэрээһин дьоруой дойдутугар – Чурапчыга буолара былааннанар.

 Билигин сылгыһыттарга саамай эппиэттээх сааскы үлэ-хамнас кэмэ тирээн кэллэ: эбии аһылыкка киллэрии, биэ төрөөһүнэ, сааспыт хайдах кэлэрэ – барыта сылгыһыттан элбэх үлэни, тулууру эрэйэр.

Судаарыстыба өттүттэн сылгы иитиитигэр көмө улаатыан наада. Ол курдук, сыллата федеральнай уонна өрөспүүбүлүкэ үбүн холбоон 240 мөл. солк. эрэ көрүллэр. Тэҥнэбил курдук эттэххэ, 181 тыһ. хороҕор муостаахха 4 млрд. солк. көрүллэр. Бу үп-харчы ыанар ынах төбөтүгэр, 1 лиитэрэ үүккэ өйөбүл быһыытынан оҥоһуллар буолбута олус хайҕаллаах. Дьону тахсыылаах үлэҕэ-хамнаска көҕүлүүр. Сыспай сиэллээхпит ынах сүөһү ахсааныгар тэҥнэстэ. Ол эбэтэр эмиэ 181 тыһ. таҕыста. Былаан быһыытынан, 2022 сылга 200 тыһ. аһары түһүөхтээх.

Сылгыһыт билиҥҥи туругунан, социальнай өттүнэн саамай өйөбүлэ суох араҥаҕа киирбитэ инникитин элбэх толкуйдары үөскэтэр. Бу этиллибит хайысхаларга барытыгар бииргэ түмсүүлээхтик үлэлээтэхпитинэ эрэ туох эрэ хамсааһын тахсыа.

Ыарахан, эппиэттээх үлэҕит ситиһиилээх, үтүө түмүктэрдээх буоллун, түөрт түөрэм туйахтаах сыспай сиэллээх Дьөһөгөй оҕото сыһыы-сыһыы аайы кистээн дьырылаттын, саха норуотун ааттата, байыта турдун!

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ