Издательский дом Редакция Подписка
Погода в Якутске: . -13 oC
КУРС ЦБ: $ 71,53 | 82,83

Ил Түмэн тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ Андрей Находкин Сахатын сирин бар дьонугар Үрүҥ Тунах Ыһыахтарынан эҕэрдэтэ.

Ил Түмэн тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ Андрей Находкин Сахатын сирин бар дьонугар Үрүҥ Тунах Ыһыахтарынан эҕэрдэтэ.

Ытыктабыллаах Сахам сирин олохтоохторо, күндү ыалдьыттар!

Хас биирдиигитин, дьиэ кэргэттэргитин Үрүҥ Тунах Ыһыах күнүнэн – национальнай бырааһынньыкпытынан итиитик-истиҥник эҕэрдэлиибин!

Былыр былыргыттан өбүгэлэрбит олохтообут бу сиэр-туом өрөгөйдөөх күнүгэр бары да сүргэбит көтөҕүллэр, санаабыт ырааһырар. Бүттүүн саха норуота бу күн Үрдүк Айыылартан сыспай сиэллээхпит, хороҕор муостаахпыт этэҥҥэ күөххэ үктэммитинэн, аймах-билэ дьоммут сылы этэҥҥэ аһаран, самаан сайыны көрсүбүппүтүнэн, сайыммыт илгэлээх, үүнүүлээх буоларын туһугар үҥэн-сүктэн көрдөһөбүт.

Урукку сыллар курдук илии илиибититтэн сиэттиһэн, сарын сарыммытыттан өйөһөн, оһуохайга да киирбэтэрбит, санаабытынан бары бииргэбит, "бу хамсык этэҥҥэ аастар" диэн баҕа санаабыт баһыйар. Оччоҕуна ыраах да чугаһыыр, ыарахан да чэпчиир. Күннээҕи үлэ-хамнас уҕараабатын, нэһилиэктэрбитигэр, сайылыктарбытыгар оҕо чугдаарар саҥата толору буоллун, ытык кырдьаҕастарбыт этэҥҥэ сырыттыннар, үлэһит дьоммут сайыҥҥы үлэлэрэ тугунан да харгыстамматын!

Дом!️ Дом!️ Дом!

Бары үтүөнү кытта,

норуот дьокутаата Андрей Находкин.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ