Александр Жирков: «Саха ыһыаҕа мэлдьитин ил-эйэ, доҕордоһуу туоната буолан, инникигэ эрэллээхпитин кэрэһэлии турдун!»
Издательский дом Редакция Подписка
Погода в Якутске: . 8 oC

Сүрүн сонуннар

Бүгүҥҥү сонуннар

Бэлиитикэ

Биэнсийэ, хамнас уонна тииһинэн олоруу алын кээмэйэ улаатар

Бэс ыйын 1 күнүттэн үлэлээбэт биэнсийэлээхтэр биэнсийэлэрэ 10 %-ынан үрдүөҕэ, ону таһынан хамнас алын кээмэйэ уонна тииһинэн олоруу алын кээмэйэ 10 %-ынан улаатыаҕа. Итинник дьаһалы Судаарыстыбаннай Сэбиэт президиумун мунньаҕар Бэрэсидьиэн Владимир Путин…
26.05.22 09:08

Экэниэмикэ

Дьоруой сулуһугар тиэрдибит суол

Сунтаар улууһун «Кириэстээх» кэпэрэтиибин чулуу ыанньыксыта, үс истиэпэннээх «Үлэ Албан аата» уордьан толору кавалера, Саха сирин хомсомуолун бириэмийэтин лауреата, «Бочуот» уонна «Хотугу сулус» уордьаннардаах Владимир Африканович Михайловка Саха…
26.05.22 14:29

Уопсастыба

Култуура

Саха театрын сыанатыгар кэскиллээх бырайыак сүрэхтэннэ!

Ыам ыйын 24 күнүгэр Саха театрыгар дьоhун тэрээhин ыытылынна. Ол курдук Дьокуускайдааҕы педагогическай колледж устудьуоннарын кытта Саха театрын артыыстара биир санааҕа түмсэн, эрдэттэн бэлэмнэнэн, айымньылаахтык үлэлээн-хамнаан «Семинария паартатыттан…
25.05.22 23:10

Түһүлгэ

 Мүрүйээдэ: үтүмэн үйэлэр быыстарын сэгэтэн

Мүрү Эбэ аата аан бастаан сурукка-бичиккэ киирбитэ 355, Бороҕон улууһугар оҕону үөрэхтээһин саҕаламмыта 250, Саха АССР тэриллибитэ 100 сылларынан, итиэннэ Мүрүгэ Саха Сирин норуоттарын VIII спортивнай оонньууларын көрсө, "Мүрүйээдэ (үтүмэн үйэлэр быыстарын…
07.04.22 22:37

Тыа сирэ

Хаптаҕайтан хааннаахпын хаһан да умнубаппын...

Өлүөнэ эбэбит уҥа биэрэгэр, Мыла, Тамма үрэхтэр икки ардыларыгар тайаан сытар, үс Геройу үөскэппит өлгөм буордаах, үтүө-мааны үлэһит дьонноох, төрөөбүт-үөскээбит Хаптаҕайбыт төрүттэммитэ 200 сылыгар, Социалистическай Үлэ Геройа Гаврил Семенович Самсонов…
10.04.22 16:09

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

75 саастаах Өйдөбүнньүк

1941-1945 сс. Аҕа дойдуну көмүскүүр Улуу сэриигэ оҕолорун мэлиппит ийэлэр, кэргэттэрин сүтэрбит огдооболор, аҕаларын былдьаппыт тулаайахтар манна кэлэн сүгүрүйэллэрэ, өлбүттэр куттара манна баарын курдук саныыллара...
26.05.22 14:08

Ытыктабыллаах Сахам сирин олохтоохторо! Саха Өрөспүүбүлүкэтин Ил Дарханын иһинэн Олоҥхо национальнай кэмитиэтин аатыттан эһигини самаан сайын салаллан кэлбитинэн, үрүҥ тунах Ыһыах күнүнэн итиитик эҕэрдэлиибин!

Ытыктабыллаах Сахам сирин олохтоохторо! Саха Өрөспүүбүлүкэтин Ил Дарханын иһинэн Олоҥхо национальнай кэмитиэтин аатыттан эһигини самаан сайын салаллан кэлбитинэн, үрүҥ тунах Ыһыах күнүнэн итиитик эҕэрдэлиибин!

Саха дьоно кыһыны этэҥҥэ туораан, самаан сайыммытын көрсөр, өбүгэлэрбит үгэһинэн Аар айылҕабытыгар сүгүрүйэр, уйгуну-быйаҥы түстүүр бэлиэ күммүт үүннэ. Төһөнөн омук бэйэтин үгэһин тутуһар, сиэрин-туомун ытыктыыр, оччонон кини санаата күүстээх уонна кыахтаах, уйулҕата бөҕө, олоххо дьулуурдаах буолар.

Ыһыах – саха норуотун төрүт үгэһэ, баайа, омук быһыытынан уратыта. Ыһыах суолтата, өйдөбүлэ тэнийэн, сиэрэ-туома ситэриллэн байа, үксүү туруох тустаах.

Быйылгы Олоҥхо ыһыаҕа ыраах Өлүөхүмэ сиригэр-дойдутугар ыытыллыаҕа. Элбэх омуктаах кырдьаҕас Өлүөхүмэ сирэ, дьоно-сэргэтэ өрөспүүбүлүкэ биир улахан тэрээһинин дьоһуннаахтык тэрийэргэ, Олоҥхо ыһыаҕын ыалдьыттарын көрсөргө былааннаммыта ыраатта. Ыһыах Сахабыт сирин биир маанылаах туонатыгар – аатырар Аанньаах хочотугар буолуоҕа. Этэҥҥэ эрэ буоллун!

Саха ыһыаҕа мэлдьитин ил-эйэ, доҕордоһуу туоната, түмсүү түһүлгэтэ буолан, омук быһыытынан олоххо тирэхтээхпитин, инникигэ эрэллээхпитин кэрэһэлии турдун! Саха норуота эбиллэ, үксүү турдун, кыаҕа улаатан, күүһүрэн истин! Кэнчээри ыччаппыт ситиһиилээх, дьулуурдаах, инникигэ эрэллээх буоллун!

Ытыктабыллаах Сахам сирин дьоно! Эһиэхэ хас биирдиигитигэр чөл туруктаах олоҕу, этэҥҥэ буолууну баҕарабын. Сахабыт сирэ сайда, силигилии турдун, дьоммут-сэргэбит дьоллоох-тускулаах буоллун!

А.Н. Жирков,

Саха Өрөспүүбүлүкэтин Ил Дарханын иһинэн

Олоҥхо национальнай кэмитиэтин бэрэссэдээтэлэ

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением