Издательский дом Редакция Подписка
Погода в Якутске: . -42 oC
КУРС ЦБ: $ 73,60 | 83,35

Дьокуускай куорат Думатын уонна тус бэйэм ааппыттан Саха Өрөспүүбүлүкэтин Күнүнэн эҕэрдэлиибин!

Дьокуускай куорат Думатын уонна тус бэйэм ааппыттан Саха Өрөспүүбүлүкэтин Күнүнэн эҕэрдэлиибин!

Муус устар 27 күнэ – Саха сирин судаарыстыбаннаһа атаҕар туруутугар ураты, икки төгүллээн бэлиэ түгэн. Бу күн 1922 сыллаахха Саха АССР төрүттэммитэ. Оттон 1992 сыл муус устар  27 күнүгэр Саха Өрөспүүбүлүкэтин Төрүт сокуона күүһүгэр киирбитэ. Саарбаҕа суох, бу сааскы күн өрөспүүбүлүкэбитигэр сүүнэ суолталаах. Бүгүн биһиги кинини төрүттээччилэри – Максим Аммосовы, Платон Ойуунускайы, Исидор Бараховы уонна кинилэри кытта өрөспүүбүлүкэ кэскилин туһугар үлэлээбит дьону  дириҥ ытыктабылынан ахтабыт.

Бүгүн өрөспүүбүлүкэ Уһук Илин регионнарын ортолоругар социальнай-экономическай сайдыы өттүнэн инники күөҥҥэ сылдьааччылартан биирдэстэрэ буолар. Кини иннин диэки хардыытыгар Саха сирин нэһилиэнньэтин үһүс чааһа олорор киин куораппыт улахан оруолу ылар. Биллэн турар, биһиги уустук кэмҥэ түбэстибит. Ол эрээри  биһиги, Саха сирин дьоно, эрэллээх, тулуурдаах буоларбытынан мэлдьи аатырарбыт, онон тургутууну чиэстээхтик ааһан урукку тэтимнээх үлэбитигэр, олохпутугар төннүөх тустаахпыт. Онуоха куораппыт уонна өрөспүүбүлүкэбит иһин киэн туттуубут манна көмөлөһүөҕэ!

Күндү доҕоттор! Бу бэлиэ күн эһиэхэ барыгытыгар чөл туругу, дьолу, ыарахаттары ситиһиилээхтик туоруургутугар, бары үтүөнү уонна эйэни баҕарабын! Өрөспүүбүлүкэ күнүнэн!

Дьокуускай куорат Думатын бэрэссэдээтэлэ Альберт Семенов

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ