Ил Дархан Айсен Николаев Саҥа 2022 сылынан эҕэрдэтэ
Издательский дом Редакция Подписка
Погода в Якутске: . 2 oC

Сүрүн сонуннар

Бүгүҥҥү сонуннар

Бэлиитикэ

Биэнсийэ, хамнас уонна тииһинэн олоруу алын кээмэйэ улаатар

Бэс ыйын 1 күнүттэн үлэлээбэт биэнсийэлээхтэр биэнсийэлэрэ 10 %-ынан үрдүөҕэ, ону таһынан хамнас алын кээмэйэ уонна тииһинэн олоруу алын кээмэйэ 10 %-ынан улаатыаҕа. Итинник дьаһалы Судаарыстыбаннай Сэбиэт президиумун мунньаҕар Бэрэсидьиэн Владимир Путин…
26.05.22 09:08

Экэниэмикэ

Уопсастыба

Култуура

Саха театрын сыанатыгар кэскиллээх бырайыак сүрэхтэннэ!

Ыам ыйын 24 күнүгэр Саха театрыгар дьоhун тэрээhин ыытылынна. Ол курдук Дьокуускайдааҕы педагогическай колледж устудьуоннарын кытта Саха театрын артыыстара биир санааҕа түмсэн, эрдэттэн бэлэмнэнэн, айымньылаахтык үлэлээн-хамнаан «Семинария паартатыттан…
25.05.22 23:10

Түһүлгэ

 Мүрүйээдэ: үтүмэн үйэлэр быыстарын сэгэтэн

Мүрү Эбэ аата аан бастаан сурукка-бичиккэ киирбитэ 355, Бороҕон улууһугар оҕону үөрэхтээһин саҕаламмыта 250, Саха АССР тэриллибитэ 100 сылларынан, итиэннэ Мүрүгэ Саха Сирин норуоттарын VIII спортивнай оонньууларын көрсө, "Мүрүйээдэ (үтүмэн үйэлэр быыстарын…
07.04.22 22:37

Тыа сирэ

Хаптаҕайтан хааннаахпын хаһан да умнубаппын...

Өлүөнэ эбэбит уҥа биэрэгэр, Мыла, Тамма үрэхтэр икки ардыларыгар тайаан сытар, үс Геройу үөскэппит өлгөм буордаах, үтүө-мааны үлэһит дьонноох, төрөөбүт-үөскээбит Хаптаҕайбыт төрүттэммитэ 200 сылыгар, Социалистическай Үлэ Геройа Гаврил Семенович Самсонов…
10.04.22 16:09

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

75 саастаах Өйдөбүнньүк

1941-1945 сс. Аҕа дойдуну көмүскүүр Улуу сэриигэ оҕолорун мэлиппит ийэлэр, кэргэттэрин сүтэрбит огдооболор, аҕаларын былдьаппыт тулаайахтар манна кэлэн сүгүрүйэллэрэ, өлбүттэр куттара манна баарын курдук саныыллара...
26.05.22 14:08

Ытыктабыллаах Саха сирин олохтоохторо!

Ытыктабыллаах Саха сирин олохтоохторо!

Саха Өрөспүүбүлүкэтин салалтатын уонна тус бэйэм ааппыттан эһигини кэлэн иһэр Саҥа 2022 сылынан ис сүрэхпиттэн эҕэрдэлиибин!

Саҥа сыл – күүтүүлээх күндү бырааһынньыкпыт, ааспыты анаарар, инникини торумнуур, саҥаны саҕалыыр эриэккэс түгэммит. Ону кытта түмүктэри таһааран, саҥа соруктары туруорунар бэлиэ кэммит.

Ааһан эрэр 2021 сыл бэрт тыҥааһыннаах, умнуллубат түгэннэринэн баай буолла. Өрөспүүбүлүкэ олохтоохторо сомоҕолоһуубут, төрөөбүт дойдубутугар тапталбыт күүһүнэн, бары бииргэ уустук тургутуулары аастыбыт, бэйэбитигэр эрэлбит күүһүрдэ.

Оннук буолуохтаах даҕаны, дьон кыһалҕалары бииргэ туораатаҕына, санаата өссө күүһүрэр, инникигэ эрэлэ бөҕөргүүр.

Аан дойду үрдүнэн кутталы үөскэппит дьаҥ олохпутун тосту уларытта, ол да буоллар биһиги туруулаһан кэллибит.

Сыстыганнаах ыарыыттан куттаммакка, күннэтэ дьону быыһыыр медиктэрбитигэр махтанабын. Турбут ыарыы дьоҥҥо-сэргэҕэ кутталлааҕын өйдөөн, быһыыны ылбыт биир дойдулаахтарбар махтанабын.

2021 сыл өрөспүүбүлүкэбитигэр Доруобуйа сылыгар анаммыта, оттон кэлэр уон сыл Доруобуйа уон сылынан биллэрилиннэ.

Онон 2030 сылга олох уопсай уһунунан 80 сааһы уонна онтон уһун үйэлэниини ситиспит эрэгийиэннэр ахсааннарыгар киирэр сорук туруорулунна, ону ситиһэргэ дьулуһуохпут!

Быйыл биһиги Россия бүттүүнүн көмөтүн биллибит.

Өрөспүүбүлүкэбитигэр улахан баһаардар киэҥ иэннээх ойуурдарга тарҕанан, аймалҕаны таһаардылар.

Биһиги бу алдьархайы бары бииргэ, сарын-сарыммытыттан өйөнсөн туораатыбыт, сомоҕолоһуу холобурун көрдөрдүбүт.

Дьону, сэлиэнньэлэри, баай хара тыабытын көмүскээбит уоту утары охсуһааччыларга, баҕа өттүнэн кинилэргэ көмөлөспүт дьоммутугар-сэргэбитигэр махтал үтүө тылларын этэбит, ытыктабылбытын биллэрэбит.

Бары түмсэммит аар тайҕабыт туһугар охсуһууга кыайыылаах таҕыстыбыт!

Күндү биир дойдулаахтарым! Биһиги төһө да үгүс моһоллору туораатарбыт, киэн туттар, үөрэр түгэннэрбит үгүс этилэр.

Күчүмэҕэйдэри аахсыбакка, экэниэмикэ үгүс салаатыгар, социальнай эйгэҕэ уонна уопсастыбаннай олоххо дьоһун ситиһиилэрдээхпит.

Таас чоҕу, кыһыл көмүһү хостуур бырамыысыланнаска хаһааҥҥытааҕар да үрдүк көрдөрүүлэннибит. Саҥа сылга бигэтик үүнэр экэниэмикэлээх киирэн эрэбит, кэлэр сыллардааҕы бүддьүөт нолуоктан уонна нолуоктан атын барыстан киирэр дохуот үрдүү турар кээмэйинэн торумнанна.

Тыа сирин үлэһитин өйүүр дьаһаллары кэҥэттибит.

Нэһилиэнньэлээх пууннарга гааһы киллэриини, олорор дьиэлэри, социальнай эбийиэктэри, суоллары тутууну салгыы ыытыахпыт. Саҥа тэрилтэлэр үлэҕэ киирдэхтэринэ, үлэ миэстэтэ тахсыаҕа. Бу барыта кэнэҕэскитин олох бары эйгэтигэр бигэ туруктаах буоларбытыгар эрэли үөскэтэр.

Кэлэн иһэр 2022 сыл биһиэхэ ураты суолталаах – элбэх омуктаах өрөспүүбүлүкэбит сайдыытыгар саҥа кэрдиис кэм саҕаланыаҕа. Онуоха Саха сирин хас биирдии олохтооҕо Саха сирин сүүс сыллаах сайдыытын былааныгар бэйэтин этиитин киллэрэр кыахтаах.

Онон бука бары сүбэбитин холбоон, саҥа кирбиилэри бииргэ дабайыахпыт.

2022 сыл Өрөспүүбүлүкэҕэ Ийэ сылынан биллэрилиннэ. Күн күбэй ийэбит хас биирдиибитигэр ураты чугас, күндүттэн күндү, олоҕу бэлэхтээбит киһибит буолар.

Ийэ бэйэҕэ эрэллээх буолууну түстүүр,  олоҕу дьолунан толорор, иэримэ дьиэни иччилиир, тулалыыр эйгэ кэрэтин иҥэрэр ураты аналлаах.

Биһиги туох-ханнык иннинэ ийэлэрбитигэр, тус бэйэбитигэр уонна үүнэр көлүөнэҕэ Сахабыт сирэ тупсаҕай олохтоох-дьаһахтаах дойду буоларын хааччыйыах тустаахпыт. Бары бииргэ ылыстахпытына, бу сорук туолуоҕа диэн бигэ эрэллээхпин.

Сомоҕолостохпутуна барытын кыайыахпыт!

Күндү биир дойдулаахтарым! Эһиэхэ үгүс үөрүүнү-көтүүнү, баҕа санаа туолуутун, чэгиэн туругу уонна уҕараабат эрчими, табыллыыны, дьолу уонна этэҥҥэ буолууну баҕарабын!

Саҕалаабыккыт барыта сатаннын! 2022 сыл үгүс кэрэ түгэннэри, үтүө эрэ уларыйыылары аҕалыахтын!

Саҥа сылынан, саҥа дьолунан, ытык-мааны Саха сирин олохтоохторо!
 
Саха Өрөспүүбүлүкэтин Ил Дархана Айсен Николаев

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением