2019 сыл алтынньытыгар Томпо оройуонун Охотскай Перевоз сэлиэнньэтин чугаһынан устар Алдан өрүскэ эр киһи мотуордаах оҥочонон өрүһүнэн туораан иһэр тыһы туртаһы эккирэппитэ биллибитэ. Маныаха туртас мөлтөөбүтүнэн туһанан, хара санаалаах киһи туртаһы өлүөр диэри өр кэмҥэ уу анныгар туппут.
Манан сибээстээн айылҕа харыстабылыгар прокуратура холуобунай дьыаланы тэрийии боппуруоһун быһаарыыга бэрэбиэркэ матырыйаалларын силиэстийэлиир уоргаҥҥа ыыппыта. Олору көрүү түмүгүнэн РФ ХК 258 ыст. 1 ч. “б” пуунунан көрүллэр буруйу оҥоруу састаабын бэлиэлэринэн (механическай тырааныспар сириэстибэтин туһанан сокуоннайа суох бултааһын) холуобунай дьыала тэрилиннэ.
Силиэстийэ иннинээҕи тэрээһиннэр хаамыыларыгар эр киһи ким буолара олохтонно. Ол Саха Өрөспүүбүлүкэтин Томпо оройуонун олохтооҕо, 1982 с. төрүөх киһи.
Айылҕа харыстабылын прокурорун солбуйааччыта, юстиция младшай сүбэһитэ С.Н.Степанов айылҕа харыстабылыгар прокуратура үлэтин нэһилиэнньэҕэ сырдатар сыалтан бу иһитиннэриини бэчээккэ таһаарар.
- 0
- 0
- 0
- 0
- 0
- 0