Издательский дом Редакция Подписка
Погода в Якутске: . 15 oC
КУРС ЦБ: $ 72,86 | 88,65

Үүнэр сыл тохсунньу 1 күнүттэн Арассыыйа Айылҕатын министиэристибэтэ быйыл сайын от ыйын 24 күнүгэр таһаарбыт “Булт быраабылатын бигэргэтии туһунан” бирикээһэ күүһүгэр киириэҕэ. Саха сирин парламенын судаарыстыбаннай-правовой салалтатыгар иһитиннэрбиттэринэн, ити докумуону оҥорууга Ил Түмэн дьокутааттарын кэккэ этиилэрэ көрүллэн аахсылыннылар.

Үүнэр сыл тохсунньу 1 күнүттэн Арассыыйа Айылҕатын министиэристибэтэ быйыл сайын от ыйын 24 күнүгэр таһаарбыт “Булт быраабылатын бигэргэтии туһунан” бирикээһэ күүһүгэр киириэҕэ. Саха сирин парламенын судаарыстыбаннай-правовой салалтатыгар иһитиннэрбиттэринэн, ити докумуону оҥорууга Ил Түмэн дьокутааттарын кэккэ этиилэрэ көрүллэн аахсылыннылар.

Ол курдук, туйахтаах уонна күндү түүлээх кыыллары, эһэлэри бултуурга ханнык баҕарар сырдатар тэриллэри, тепловизордары, хараҥаҕа көрөр прибордары туһаныыны бобор туһунан Саха сирин парламена киллэрбит этиитэ аахсылынна. Ол эрээри, хараҥаҕа сиртэн 2 миэтэрэттэн үрдүктээх вышкаҕа туран, туйахтаах кыыллары уонна эһэлэри бултуур түбэлтэҕэ көҥүллэнэр. Биһиги дьокутааттарбыт бэлиэтииллэринэн, Быраабыла бу пуунун бигэргэтии сырдатар тэрили туһаныы дэлэйэригэр итиэннэ браконьердар эппиэтинэстэн куотуналларыгар, кыыл-сүөл аҕыйыырыгар тириэрдиэн сөп.

Куобаҕы туһаҕынан бултуурга этии эмиэ ылылынна. Саха Өрөспүүбүлүкэтигэр бултааһын үгэс буолбут көрүҥүн быһыытынан, субъект үрдүкү салайар уоргана айылҕатын уратытыттан уонна куобах ахсааныттан көрөн, ханнык оройуоннарга куобаҕы туһаҕынан бултууру бэйэтэ олохтуур буолуоҕа. Бөрө ахсаанын сүрүннүүр инниттэн бөрөнү туһаҕынан бултууру көҥүллүүрү туруорсуу эмиэ аахсылынна.

Үсүһүнэн, Ил Түмэн элбэх киһи мустан кыылы күрэтэн бултуулларыгар ыраахтан көстүмтүө таҥаһы кэтэри ирдииргэ уонна маннык бултааһыҥҥа 30-тан элбэҕэ суох киһи мустарын олохтуурга этиитин сорҕото аахсылынна.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ