Издательский дом Редакция Подписка
Погода в Якутске: . 15 oC
КУРС ЦБ: $ 72,86 | 88,65

Интэриниэт үлэ тэтимин, көрүҥүн, киэбин, тутулун барытын хаһан эмэ уларытыахтааҕа уруккуттан сэрэйиллэрэ. Ону бу пандемия түргэтиннэрэн биэрдэ. Тэрилтэлэр биир бирикээһинэн начаас ыраахтан олорон үлэлииргэ көспүттэрэ, номнуо оннукка үөрэннилэр даҕаны.

Интэриниэт үлэ тэтимин, көрүҥүн, киэбин, тутулун барытын хаһан эмэ уларытыахтааҕа уруккуттан сэрэйиллэрэ. Ону бу пандемия түргэтиннэрэн биэрдэ. Тэрилтэлэр биир бирикээһинэн начаас ыраахтан олорон үлэлииргэ көспүттэрэ, номнуо оннукка үөрэннилэр даҕаны.

  Бириэмэ ирдэбилиттэн иҥнибэккэ, кэми кытта тэҥҥэ хардыылыах тустаахпыт. Ол иһин үлэни тэрийии саҥа сокуонун бэлэмнээн, РФ Бэрэсидьиэнинэн бэҕэһээ, ол эбэтэр 2020 сыл ахсынньы 8 күнүгэр, илии баттатан бигэргэттилэр.

  407-с нүөмэрдээх «О внесении изменений в Трудовой кодекс Российской Федерации в части регулирования дистанционной (удаленной) работы и временного перевода работника на дистанционную (удаленную) работу по инициативе работодателя в исключительных случаях» диэн Федеральнай сокуоҥҥа этиллэринэн, ыраахтан үлэ үс көрүҥүнэн тэриллиэн сөп:

Наар ыраахтан. Хамнаһа син биир 100 бырыһыан төлөнөр. Ону таһынан командировкалара, социальнай бакыата эмиэ.

Быстах кэмнээх ыраахтан үлэ. Үлэһит дуогабардаһан баран, бэриллибит сорудаҕын, эбээһинэһин дьиэҕэ олорон толорор. Бу маннык үлэ көрүҥэ сыл аҥаарыттан уһуо суохтаах.

Күнүскү уонна кэтэхтэн үлэлэри аттаран. Ол аата сороҕун тэрилтэҕэ кэлэн оҥорор, сороҕун дьиэтигэр олорон. Хайдах табыгастааҕынан көрөн, бара-кэлэ сылдьан үлэлиир.

Бу пандемия курдук ыксаллаах быһыы-майгы бүрүүкээтэҕинэ, үлэни биэрээччи үлэһиттэрин барыларын ыраахтан үлэҕэ көһөрөр бырааптаах. Аны туран, ыраахтан үлэлиир киһи икки күн сибээскэ тахсыбатаҕына, борогуулунан ааҕыллар уонна үлэтиттэн уһуллар.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ