РФ Госдуматын Бэрэссэдээтэлэ Вячеслав Володин суруналыыстарга ол бырайыак туһунан быһаарбыт. “Биһиги оҕолору бэлиитикэҕэ кыттыһыннаралларын сэмэлиибит. Бу боппуруоһу киэҥник дьүүллэһиэхпит, биллэн турар, эппиэт баар буолуоҕа. Саастарын ситэ илик дьону бэлиитикэ бырассыаһыгар тардар табыллыбат, оҕо доруобуйатыгар да сэрэхтээх, буолаары буолан санкцията суох миитиннэргэ”, -- диэн санаатын үллэстибит. Вячеслав Володин бу буолбут түгэни киэҥник дьүүллэһиэххэ диэн ыйбыт. “Оҕолор миитиҥҥэ кытыннахтарына, ыҥырыыны таһаарааччылар эппиэттиэхтэрэ”, -- диэбит.

Госдума Бэрэссэдээтэлэ оҕолору санкцията суох миитиннэргэ кытыннарыы иһин холуобунай буруйга тардарга аналлаах сокуон барылын туһунан кэмэнтээрий биэрэригэр, сокуон барылын араас таһымҥа ырытан баран, оҥороллорун туһунан эппит.

Бу иннинэ «Биир ньыгыл Арассыыйа» фракциятын дьокутаата Евгений Марченко санкцията суох миитиҥҥэ сокуоннай саастарын ситэ илик оҕолору тардыы иһин административнай эппиэтинэһи холуобунай буруйга уларытар сокуон барылын бэлэмнээбит. Сокуон барылыгар оскуола оҕолорунан миитини тэрийтэрии иһин 10 сылга хаайыыга уураахтыыр туһунан этиллэр.