Издательский дом Редакция Подписка
Погода в Якутске: . 27 oC
КУРС ЦБ: $ 72,86 | 88,65

Саха Өрөспүүбүлүкэтин Конституционнай хамыыһыйатын чилиэнэ уонна «Нам улууһа» МТ дьокутааттарын Сэбиэтин бэрэссэдээтэлэ Иван Романович Попов Төрүт сокуон бырайыагын туһунан тус санаатын эттэ:

Саха Өрөспүүбүлүкэтин Конституционнай хамыыһыйатын чилиэнэ уонна «Нам улууһа» МТ дьокутааттарын Сэбиэтин бэрэссэдээтэлэ Иван Романович Попов Төрүт сокуон бырайыагын туһунан тус санаатын эттэ:

- Өрөспүүбүлүкэ сокуонун федеральнай сокуоҥҥа сөп түбэһиннэрэн тупсарыыга киэҥ үлэ ыытылынна.  Өрөспүүбүлүкэ Сүрүн сокуонугар уларытыылары киллэрэр туһунан Конституция сокуонун барылыгар эспиэрдэр хамыыһыйалара үлэлээтэ. Хамыыһыйа састаабыгар бэлитиичэскэй баартыйалар бэрэстэбиитэллэрэ, биллэр юристар бааллар. Бука бары Российскай Федерация диэн биир улахан дойдуга олорорбут быһыытынан бу хамсааһын сөптөөх дии саныыбын.

Холобур: «Хас биирдии киһи үлэтин төлөбүрэ федеральнай сокуонунан олохтоммут хамнас алын кээмэйиттэн намыһах буолуо суохтаах. Уһук хоту сир оройуоннарын усулуобуйатыгар үлэ төлөбүрүн алын кээмэйигэр хотугу эбилик уонна оройуон коэфицциенэ эбиллиэхтээх» диэн Өрөспүүбүлүкэ Конституциятын сокуонугар абзац киириэхтээх. Хас биирдии Саха сирин олохтооҕор социальнай олоҕун мэктиэлиир, бөҕөргөтөр биир сүрүн уларыйыы диэн сыаналыыбын. Урукку өттүгэр маннык суоҕа, онон бу Саха сирин уонна Ил Дархаммыт ситиһиитэ буолар.

Судаарыстыбаннай бэлиитикэ саамай тутаах хайысхатынан оҕолор буолалларын быһаарар туспа ыстатыйа киирдэ. Ыстатыйанан оҕону бары өттүнэн: духуобунай, сиэр-майгы, өй-санаа, эт хаан өттүнэн сайыннарыыга кыһамньыны ууран, дойдуга бэриниилээх уонна аҕа саастаахтары ытыктыыр дьону судаарыстыба иитэн таһаарыахтаах. Дьиэ кэргэн оҕону иитиини инники күөҥҥэ туруоруохтаах. Төрөппүт көрүүтэ-истиитэ суох хаалбыт оҕолорго судаарыстыба төрөппүт эбээһинэстэрин бэйэтигэр ылынар, маннык оҕолор толору дьиэ кэргэҥҥэ бэриллэн дьоһуннук иитиллиэхтээхтэр. Ону тэҥэ сокуоннай саастарын сиппит оҕолор төрөппүттэрин көрөллөрүгэр-истэллэригэр, кинилэргэ кыһаналларыгар эмиэ көмө оҥоһуллуоҕа. Судаарыстыба улахан суолталаах судаарыстыбаннай бэлиитикэ боппуруостарын инники күөҥҥэ туруорбута олох араас хайысхатын хабар.

Улусмедиа сайтан. 

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ