От ыйыгар 45 оҕо уонна биир улахан киһи коронавирус ыарыыга хаптараннар оҕо сынньанар лааҕыра үлэтин тохтотто. Маны таһынан, борокуруор бэрэбиэркэтин кэмигэр, лааҕырга атын элбэх кэһиилэр баалларын буллулар. Башкирия баһылыга Радий Хабиров «оттомо суох кутталлаах быһыыны-майгыны таһаарыы» диэн лааҕыр дьаһалтатын дьайыытыттан тахсыбыт түбэлтэнэн ааттаан, буруйдаахтары үлэлэриттэн ууратарга сорудахтаата.
Итини сэргэ Башкирия борокуратуурата Караидельскай оройуонугар Гастелло аатынан оҕо чэбдигирдэр лааҕырыгар COVID-19 массабайдык тарҕаммытын туһунан түбэлтэ чахчытын бэрэбиэркэлиир. Атырдьах ыйын 1 күнүгэр бу лааҕырга 6 оҕоҕо уонна 5 үлэһиккэ коронавируснай инфекцияны булбуттар. Инфекциялаах, ону сэргэ кинилэри кытта алтыспыт дьону лааҕыртан таһаарбыттар. Билигин ыарыһахтар сөптөөх эмтэниини ааһаллар, лааҕыр дьиэтэ дезинфекцияламмыт. Лааҕыр арыллар кэмигэр барыта 158 оҕо сынньанара уонна 43 үлэһит ахсаана биллэр. Билигин борокуруор ханнык дьаһал ылылларын боппуруоһа быһаарыллар.
- 0
- 0
- 0
- 0
- 0
- 0