Күннээҕи олохпут ымпыга-чымпыга
Издательский дом Редакция Подписка
Погода в Якутске: . 10 oC

Сүрүн сонуннар

Бүгүҥҥү сонуннар

Бэлиитикэ

Биэнсийэ, хамнас уонна тииһинэн олоруу алын кээмэйэ улаатар

Бэс ыйын 1 күнүттэн үлэлээбэт биэнсийэлээхтэр биэнсийэлэрэ 10 %-ынан үрдүөҕэ, ону таһынан хамнас алын кээмэйэ уонна тииһинэн олоруу алын кээмэйэ 10 %-ынан улаатыаҕа. Итинник дьаһалы Судаарыстыбаннай Сэбиэт президиумун мунньаҕар Бэрэсидьиэн Владимир Путин…
26.05.22 09:08

Экэниэмикэ

Дьоруой сулуһугар тиэрдибит суол

Сунтаар улууһун «Кириэстээх» кэпэрэтиибин чулуу ыанньыксыта, үс истиэпэннээх «Үлэ Албан аата» уордьан толору кавалера, Саха сирин хомсомуолун бириэмийэтин лауреата, «Бочуот» уонна «Хотугу сулус» уордьаннардаах Владимир Африканович Михайловка Саха…
26.05.22 14:29

Уопсастыба

Култуура

Саха театрын сыанатыгар кэскиллээх бырайыак сүрэхтэннэ!

Ыам ыйын 24 күнүгэр Саха театрыгар дьоhун тэрээhин ыытылынна. Ол курдук Дьокуускайдааҕы педагогическай колледж устудьуоннарын кытта Саха театрын артыыстара биир санааҕа түмсэн, эрдэттэн бэлэмнэнэн, айымньылаахтык үлэлээн-хамнаан «Семинария паартатыттан…
25.05.22 23:10

Түһүлгэ

 Мүрүйээдэ: үтүмэн үйэлэр быыстарын сэгэтэн

Мүрү Эбэ аата аан бастаан сурукка-бичиккэ киирбитэ 355, Бороҕон улууһугар оҕону үөрэхтээһин саҕаламмыта 250, Саха АССР тэриллибитэ 100 сылларынан, итиэннэ Мүрүгэ Саха Сирин норуоттарын VIII спортивнай оонньууларын көрсө, "Мүрүйээдэ (үтүмэн үйэлэр быыстарын…
07.04.22 22:37

Тыа сирэ

Хаптаҕайтан хааннаахпын хаһан да умнубаппын...

Өлүөнэ эбэбит уҥа биэрэгэр, Мыла, Тамма үрэхтэр икки ардыларыгар тайаан сытар, үс Геройу үөскэппит өлгөм буордаах, үтүө-мааны үлэһит дьонноох, төрөөбүт-үөскээбит Хаптаҕайбыт төрүттэммитэ 200 сылыгар, Социалистическай Үлэ Геройа Гаврил Семенович Самсонов…
10.04.22 16:09

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

75 саастаах Өйдөбүнньүк

1941-1945 сс. Аҕа дойдуну көмүскүүр Улуу сэриигэ оҕолорун мэлиппит ийэлэр, кэргэттэрин сүтэрбит огдооболор, аҕаларын былдьаппыт тулаайахтар манна кэлэн сүгүрүйэллэрэ, өлбүттэр куттара манна баарын курдук саныыллара...
26.05.22 14:08

«Хаарбах дьиэттэн көһөрүү», «Чэпчэтиилээх ипотека» курдук араас бырагыраамалар үлэлээннэр, өрөспүүбүлүкэбитигэр саҥа дьиэлэр тутуллаллара тэтимирдэ.

«Хаарбах дьиэттэн көһөрүү», «Чэпчэтиилээх ипотека» курдук араас бырагыраамалар үлэлээннэр, өрөспүүбүлүкэбитигэр саҥа дьиэлэр тутуллаллара тэтимирдэ.

Холобура, Дьокуускайга элбэх кыбартыыралаах уопсай дьиэлэр, омуна суох, ардах кэнниттэн тэллэй үүнэринии элбии тураллар. Ол тэтиминэн хомунаалынай өҥөнү оҥоруу, тутуу хаачыстыбатын, УК үлэтин туһунан боппуруостар Саха Өрөспүүбүлүкэтин Тутууну уонна дьиэни-уоту кэтээһиҥҥэ судаарыстыбаннай управлениетын (госстройжилнадзор) аатыгар күннэтэ киирэ тураллар. Бүгүн ааҕааччыларбыт ыйытыыларыгар госстройжилнадзор үлэһиттэрэ хоруйдууллар.

Кыладыапка оҥостор көҥүллэнэр дуо?

КПД, «блочнай», «112-с сиэрийэлээх» дэнэр уопсай дьиэлэр көрүдүөрдэригэр, кирилиэстэрин былаһааккаларыгар дьон хоспох оҥостубутун көрөргүт буолуо. Олохтоохтор бары бас билэр, тэҥ бырааптаахтык сылдьар сирдэрин бэйэ «оҥоһугунан» кыаратары сөбүлээбэт дьон элбэх. Олор бу тустаах управлениеҕа үҥсүү түһэрэллэр эбит. Холобура, Уйбаан ыйытар: «Биһиги отсекпытыгар ыалбыт Ньукулай ол-бу сээкэйин, малын-салын уурар хоспох оҥостубут. «Мэһэйдиир, көтүрэн кэбис» — диэтэхпитинэ, олох өсөһөр, истибэтэҕэ буолар. Маннык гынар сокуонунан көҥүллэнэр дуо?» — диэн.

Тутууну уонна дьиэни-уоту кэтээһиҥҥэ судаарыстыбаннай управление салайааччыта Павел Аргунов быһаарар:

– РФ Дьиэҕэ-уокка кодексатын 36-с ыстатыйатын 1 пуунун 1 чааһыгар олоҕуран, кирилиэс, көрүдүөр, лифт былаһааккалара, шахта, тиэхиньиичэскэй этээс, хоруобуйа иһэ, о.д.а. барыта элбэх кыбартыыралаах дьиэ бас билээччилэрэ уопсай туһаныыларыгар ананар. Ол иһин кыбартыыралар хаһаайыннара мунньах ыытан, кыладыапка туттары көҥүллүүр туһунан быһаарыныы ылыныахтарын наада. Онно бас билээччи барыта кыттыахтаах. Куоластааһыҥҥа үс гыммыт иккитэ сөбүлэстэҕинэ биирдэ эрэ, ону-маны туттар көҥүллэнэр. Оттон билигин Уйбаан баҕа өттүнэн бэйэтэ оҥостубута сокуоннайа суох быһыы буолар. Субу быраабыла соҕоруокка туруоран, көрүдүөрү быһан, бэйэтин кыбартыыратын иэнин кэҥэтэр дьоҥҥо эмиэ сыһыаннаах.

Аны туран, уопсай былаһаакка сорох муннуктарыгар тугу эмэ оҥорор, ону-маны бүөлүү туруорар букатын көҥүллэммэт. Холобура, кирилиэскэ, цокольнай этээскэ, ууну, уоту ааҕар тэриллэр турар, ититии систиэмэтэ, уу турбалара ааһар сирдэригэр. Манна даҕатан эттэххэ, көрүдүөргэ малларын таһааран уураллара эмиэ бобуллар.

Сылааһы биэрэр манан дьыала буолбатах

Күһүн оттук кэмэ саҕаланна да, туох эмэ төрүөтүнэн ититиилэрэ өр киирбэккэ хаалар дьиэлэр олохтоохторо айманаллара баар көстүү. Чуолаан Дьокуускай куоракка маннык түбэлтэ элбэхтэ тахсар. Холобура, бу оруобуна бүгүн (26.10.21.) «Лена» киинэ тыйаатырын аттыгар турар саҥа дьиэ сылааһа суоҕун айдаана таҕыста.

отопл

Оттон балаҕан ыйыгар итинник балаһыанньаҕа элбэх кыбартыыра түбэһэр. Маныаха госстройжилнадзор салайааччытын солбуйааччы Павел Корнилов эппиэттиир.

РФ Бырабыыталыстыбатын 2011 с. ыам ыйын 6 күнүн 354-с №-дээх дьаһалынан, 5 күнү быһа таһырдьааҥҥы орто температура +8 кыраадыстан үрдээбэт буоллаҕына, дьиэлэргэ сылааһы биэрэ охсуохтаахтар. Оттон холбооботохторуна, бастаан биричиинэтин салайар хампаанньаҕатыттан (УК) ыйытыахтааххыт. Кинилэртэн тутулуга суох буоллаҕына, биир кэлим диспетчерскэй сулууспаҕа эрийиҥ. Дьокуускай куоракка нүөмэрдэрэ: 44-42-29, 44-42-51, 44-45-64. Нэһилиэк олохтоохторо дьаһалтаҕытыгар, ОДьКХ үлэһитигэр этиэххитин наада.

Уопсайынан, ититиини ыллыҥ да тута биэрэр буолбатаххын. Бэлэмниир түбүгэ, ымпыгачымпыга олус элбэх. Ууну хачайдаан, онтон ыытан баран, систиэмэтин бэрэбиэркэлииргэ эҥин ортотунан 2-3 күн наада. Төһө түргэнник холбууллара ититиини биэрэр ыстаансыйа кыамтатыттан эмиэ тутулуктаах. Аны, ханнык эмэ кыбартыыраҕа салгын хаайтардаҕына, онтон сылтаан атыттарга тиийимиэн сөп. Ханна хаайтарбытын көрдүүллэригэр, салгыны таһааралларыгар бириэмэ эмиэ баранар.

Өскөтүн салайар хампаанньаҕыт этэ сатыыргытын истибэт, туох да миэрэни ылбат буоллаҕына, биһиэхэ сайабылыанньата суруйуҥ. Быһаарсыахпыт. Электроннай почтабыт Адрес электронной почты защищен от спам-ботов. Для просмотра адреса в вашем браузере должен быть включен Javascript.; ОДьКХ dom.gosuslugi. ru саайтын нөҥүө биэриэххэ эмиэ сөп. УК-ҕыт буруйунан буоллаҕына, 250-300 тыһ. солк. ыстарааптаныахтарын эбэтэр 3 сыл квалификацияларыттан быһыллыахтарын сөп.

Хапытаалынай өрөмүөн төлөбүрэ

«Кэлиҥҥи кэмҥэ элбэх кыбартыыралаах дьиэ олохтоохторо хапытаалынай өрөмүөҥҥэ төлөбүрдэрин уопсай хочуолга буолбакка, анал бэйэлэрин счеттарыгар ыытар буолбуттар. Бу туһунан билээри», – диэн ыйытар Клара.

Бүгүҥҥү күҥҥэ өрөспүүбүлүкэбитигэр элбэх кыбартыыралаах 122 дьиэ олохтоохтоохторо хапытаалынай өрөмүөн төлөбүрүн бэйэлэрэ арыйтарбыт анал счеттарыгар ыыта олороллор. Ол иһигэр 94 дьиэ – салайар хампаанньаларын, 29 – СӨ хапытаалынай өрөмүөҥҥэ пуондатын иһинэн арыйтарбыттар.

кап.ремонт

Саха Өрөспүүбүлүкэтин 2013 сыллааҕы 1201-3№1323-IV нүөмэрдээх сокуонунан анал счет бас билээччилэрэ ый 10 чыыһылатын ахсын төһөнү төлөөбүттэрин туһунан отчуоту СӨ Тутууну уонна дьиэни-уоту кэтээһиҥҥэ судаарыстыбаннай управлениетыгар тиксэриэхтээхтэр.

Кэмигэр сибидиэнньэлэрин биэрбэтэхтэргэ биһиги управлениебыт административнай бэрээдэги кэһии туһунан боротокуолу толорор. Быйыл 15 бас билээччигэ оннук оҥоһулунна. Аны туран, счекка киирбит суума туһунан отчуот суох, биитэр толорута суох сибидиэнньэ кэлбит буоллаҕына, анал счет бас билээччитэ 5 тыһыынча солкуобайга диэри ыстарааптаныан сөп, – диэн Павел Корнилов сэрэтэр.

Сайабылыанньаны сөпкө суруйуҥ

Сыл саҕаланыаҕыттан СӨ Тутууну уонна дьиэни-уоту кэтээһиҥҥэ судаарыстыбаннай управлениетын аатыгар нэһилиэнньэттэн 3000-тан тахса сайабылыанньа киирбит. Ол иһигэр кимтэн чопчу киирбитэ биллибэт суруктар электроннай почтанан кэлбиттэр. Ону таһынан социальнай ситимнэр нөҥүө эмиэ ыыппыттар.

– Анонимнай үҥсэргээһин миэрэни ылыыга эбэтэр бэрэбиэркэлиир тэрээһини ыытыыга төрүөт сатаан буолбатын санатабыт, – диир Павел Аргунов. – Урбаанньыттар мөккүөрдээх боппуруостаргытын быһаартарыаххытын баҕарар буоллаххытына, биир кэлим систиэмэҕэ идентификацияны уонна аутентификацияны ааһыахтааххыт. Онто суох «Юридическай сирэй эбэтэр урбаанньыт бырааптарын судаарыстыбаннай уонна муниципальнай хонтуруолтан көмүскүүр туһунан» 294-с №-дээх федеральнай сокуонунан хонтуруоллуур уорган сайабылыанньаны суруйбут киһи үҥсүүтүн сатаан бэрэбиэркэлээбэт уонна административнай миэрэни ылбат.

unnamed 19

Онон сайабылыанньаҕа аатын, олорор аадырыһын, кыбартыыратын, төлөпүөнүн нүөмэрин толору ыйыахтаах. Кыһалҕатын сиһилии быһааран суруйар, илиитин баттыыр уонна күнүн-дьылын ыйар.

Сканердаммыт куоппуйатын эбэтэр хаартыскаҕа түһэрбитин Адрес электронной почты защищен от спам-ботов. Для просмотра адреса в вашем браузере должен быть включен Javascript. электроннай аадырыска ыытыан сөп. Онон биһиги өҥөбүтүнэн туһаныаххытын, көмөлөһүннэриэххитин, боппуруоскутун быһаартарыаххытын баҕарар буоллаххытына, тус дааннайдаргытын толору ыйыҥ.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением