Издательский дом Редакция Подписка
Погода в Якутске: . 32 oC
КУРС ЦБ: $ 72,86 | 88,65

Холобур оҥостуохха,бастыҥнары батыһыахха! Нам улууһун Арбын нэһилиэгин сүөһү, сылгы ииттэр хаһаайыстыбалаах олохтоохторугар биир дойдулаахтара, Калинград куоракка олорор, үлэлиир Данил Колесов тус бэйэтин санаатынан босхо көмө оҥордо.

Холобур оҥостуохха,бастыҥнары батыһыахха! Нам улууһун Арбын нэһилиэгин сүөһү, сылгы ииттэр хаһаайыстыбалаах олохтоохторугар биир дойдулаахтара, Калинград куоракка олорор, үлэлиир Данил Колесов тус бэйэтин санаатынан босхо көмө оҥордо.

Тохсунньу 21 күнүгэр олохтоох дьаһалта үлэһиттэрэ,  Рейман Рейманович суоппардаах нэһилиэк иһинээҕи хаһаайыстыбаларынан Данил Колесов бэлэх ууммут 72 куул уотурба, 27 куул эбиэс  кэрийэн сылдьан түҥэттилэр. Данил Колесов Арбын олохтоохторун Вера Спиридоновна уонна Роман Иннокентьевич кыра уоллара буолар.

140285103 1328910197462118 4592809471229537620 n

Колесовтар дьиэ кэргэттэрэ үс оҕолоохтор, улахан кыыстара Сардана Романовна элбэх оҕолоох ийэ, Дьокуускай куоракка олорор, үлэлиир. Улахан уоллара Роман Романович бааһынай хаһаайыстыба салайааччыта. Кыра уол Данил Калининград куорат олохтооҕо, бэйэтэ бас билэр тэрилтэлээх. Собуотугар олохтоох уолаттары ыҥыран ситиһиилээхтик үлэлии-хамсыы сылдьаллар.

Маны таһынан, Данил Колесов үөрэммит оскуолатыгар, учууталларыгар, үөрэнээччилэргэ стипендия, бириэмийэ, соһуччу бэлэх оҥорор үтүө дьыалаларынан биллэр эбит.

140079893 864814714312648 7719475099156657667 n

 - Вера Спиридоновна, Роман Иннокентьевич ииппит оҕолорунан киэн туттабыт, холобур ылабыт!   Оҕолорбут, уолаттарбыт хаһан да, ханна да буоллуннар дьоннорун, нэһилиэктэрин ааттарын ааттата турдуннар. Тус олохторугар кытаанах доруобуйаны, дьолу баҕарабыт, айыыһыттаргыт арыаллаатыннар диэн алгыспытын тиэрдэбит, - диэн олохтоох дьаһалта махтал тылларын тиэрдэр.


Ыспыраапка

Арбын нэһилиэгэ Нам улууһун саамай уһук, хотугу өттүгэр, икки улуу өрүстэр Лена уонна Алдан силбэһэр сирдэригэр сытар. Баай айылҕалаах, бултаах-астаах, саас аайы халаан уутугар барар нэһилиэгинэн биллэр. Ол да буоллар дьон-сэргэ таптаан олохсуйар сиринэн буолар. Хоту өттүттэн Кэбээйи улууһун Батамаайы нэһилиэгин, илин өттүттэн Уус-Алдан улууһун Өспөх нэһилиэгин кытта быысаһар. Нэһилиэнньэ сүрүн дьарыга – сылгы-сүөһү иитиитэ уонна дьоҕус урбаан.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ