“Кунду биир дойдулаахтарым! Ааттаах-суоллаах биир дойдулаахпыт, өрөспүүбүлүкэбит киэн туттар, ытыктыыр киһитэ Аркадий Михайлович Алексеев, Улуу Кыайыы 75 сыллаах үбүлүөйүгэр анаан, төрөөбүт түөлбэҕэ өйөбүл биллэрбит бачыымын өйөөбүт. Аллараа Бэстээх бөһүөлэгин баһылыга, Колмаков Юрий Николаевич ыҥырыытын ылынан, мин, Ил Түмэн дьокутаата Руслан Федотов сэрии, тыыл бэтэрээннэригэр уонна сэрии оҕолоругар Прокопьев Василий Тихоновичка, Прокопьев Данил Тихоновичка, Николаева Мария Петровнаҕа, Назарова Раиса Степановнаҕа, Федорова Елена Афанасьевнаҕа, Прокопьев Владимир Тихоновичка, Дьячковскай Петр Петровичка 5 тыһыынча солкуобайдаах (граннары) сертификаттары анаатым.
Эстафетаны салгыы Мэҥэ Хаҥалас улууһун биир биллэр урбаанньыгар, элбэх саҥалыы көрүүлээх, сүрдээх үлэһит бырааппар, "Идея" рекламнай хампаанньа салайааччытыгар Мохначевскай Арьян Руслановичка @arianmokhnachevskii туттарабын”, – диэн суруйар Руслан Еремеевич уонна бу үтүө санаа бачыыма быстыбакка салҕанан барыа диэн эрэнэрин биллэрэр.
- 0
- 0
- 0
- 0
- 0
- 0