Ректор дьиэ-уот тас өрөмүөнүн үлэлэрэ кэмигэр саҕаланан, номнуо бүтэн эрэллэр диэн бэлиэтээтэ. Билигин штукатурка уонна кырааска үлэлэрэ эрэ хаалбыттар. Кэлэр нэдиэлэҕэ 250 хоһу бэлэм оҥоруохтаахтар.
– Коронавирус кэмигэр устудьуоннар бөлөхтөрүн алтыһыннарбат, элбэх киһини мунньубат курдук расписаниены оҥоруохпут. Хас биирдии бөлөх туспа аудиториялаах буолуо. Аан айаҕар тепловизордары, автоматическай санитайзердары, салгын рециркулятордарын туруоруохпут. Маннык сириэстэбэлэринэн ХИФУ толору хааччыллыбыта, – диэн Анатолий Николаев иһитиннэрдэ.
Проректор Евгений Куприянов үөрэх бары куорпустарыгар аҕытаассыйа уонна өйдөбүнньүк матырыйааллар ыйаммыттарын кэпсээтэ. Ону сэргэ университет устудьуоннарга 30 тыһыынча биирдэ уонна элбэхтик туттуллар мааскалары атыыласпыт. ХИФУ профкома бэрэпиэссэрдэри уонна уһуйааччылары маасканан хааччыйарга бэлэмнэммит.
Евгений Куприянов куорпустары уонна устудьуоннар уопсайдарын дезинфекциятын түмүктэнэн эрэрин иһитиннэрдэ.
“Онон университет устудьуоннары көрсөргө толору бэлэм” – диэн ректор бэрэбиэркэ түмүгүн кытта билиһиннэрдэ.
-
0
-
0
-
0
-
0
-
0
-
0
