Издательский дом Редакция Подписка
Погода в Якутске: . -16 oC

Сүрүн сонуннар

Бүгүҥҥү сонуннар

Бэлиитикэ

Тутуу туһунан сытыы сэһэргэһии

Кулун тутар 19 күнүгэр Ил Түмэҥҥэ «Саха Өрөспүүбүлүкэтин Аартыкатыгар социальнай эбийиэктэри уонна чааһынай дьиэлэри тутуу боппуруостара» төгүрүк остуол буолан ааста.
21.03.24 18:51

Экэниэмикэ

Ытык Дьааҥы сиригэр Сылгыһыт Күнэ алгыһы түhэрииттэн саҕаланыаҕа

Мария Архипова хаартыскаҕа түhэриитэ. 2023 с. / ЯСИА/ Кэлэр ый саҕаланыытыгар ытык Дьааҥы сиригэр Аартыка эргимтэтигэр тыа хаhаайыстыбатын сайдыытын итиэннэ хоту сир тыйыс айылҕатыгар саха сылгытын үөрдээн иитиини сайыннарыы кэскилин торумнуур аҕыс улуус…
29.03.24 18:26

Уопсастыба

Сунтаартан “Алгыс” түмсүү ыалдьыттаата

Өлөөҥҥө Сунтаартан “Алгыс» диэн аҕам саастаах дьон ансаамбыла, 11 киһилээх дэлэгээссийэ ыалдьыттаан барда. Ыраахтан кэлбит ыалдьыттар бастаан “Алакуо” норуодунай этно-фольклор ансаамбыл кыттыылаахтарын кытары көрүстүлэр. Күн иккис аҥаарыгар ыалдьыттар…
29.03.24 18:50

Култуура

Дьааҥылар артыыстары тыыннаах тойугунан көрүстүлэр

"Артыыстар иhэллэр үhү",- диэн үтүө сурах дьааҥыларга өссө тохсунньу ыйга иhиллибитэ. Онон өр күүппүт артыыстарын көрсөөрү олохтоохтор кэлэр - барар күннэрин эрдэттэн аттаран, астарын-таҥастарын бэлэмнээбиттэрэ ыраатта. Болдьохтоох күн үүммүтүгэр күндү…
07.03.24 11:40

Түһүлгэ

Сааскы саарбах кэмҥэ

Аламай маҥан күн абыралын, үтүөкэн үрүҥ күн үтүөтүн билэргэ үүммүт күнү үөрэ - көтө, сүргэ көтөҕүллэ көрсөр дьоллоох түгэн, саҕаламмыт саҥа күнү айхаллыыр астык түгэн тосхойдо. Кубулҕаттаах кулун тутар ыйбыт кубулуҥ - дьибилиҥ буолар, күлэн иһэн дьэбин…
27.03.24 09:44

Тыа сирэ

Андрей Находкин: Дьон күннээҕи кыһалҕаны эрэ буолбакка, тыа сирин сайдыытыгар кэскиллээх этиилэри туруоруста

Ил Түмэн сиргэ сыһыаннаһыыга, айылҕа ресурсаларыгар уонна экологияҕа сис кэмитиэтин бэрэссэдээтэлэ Андрей Находкин бу күннэргэ бэйэтин уоукургар - Мэҥэ-Хаҥалас улууһугар үлэлиир. Кини улуус баһылыга Дмитрий Тихоновы кытта улуус нэһилиэктэринэн сылдьан…
03.02.24 09:00

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

Стамбулга мунан хаалбыппар Таҥара көмөлөспүтэ

2000 сылларга дуоллар 24-25 солк. этэ, онон Сочига барардааҕар Турцияҕа сынньаммыт быдан чэпчэки буолара. Сылаас, ыраас муораҕа күөлэһийэ сөтүөлээн, үгүс-үтүмэн аквапаркаҕа хатааһылаан, бассейнҥа сөрүүкээн, рестораҥҥа төһөнү кыайаргынан ас арааһын амсайан,…
31.08.23 20:56

 Василий Волков быйыл өрөспүүбүлүкэ үгүс киһититтэн эҕэрдэ тутта. Тоҕо диэтэххэ, кини нуучча тылын 100, математиканы 100 уонна физиканы 99 баалга туттарбытын туһунан бары пабликтарга, сайтарга сырдаттылар.

 Василий Волков быйыл өрөспүүбүлүкэ үгүс киһититтэн эҕэрдэ тутта. Тоҕо диэтэххэ, кини нуучча тылын 100, математиканы 100 уонна физиканы 99 баалга туттарбытын туһунан бары пабликтарга, сайтарга сырдаттылар.

 Ол эрээри саха дьоно-сэргэтэ саамай сэҥээрэр “Кимнээх оҕолоро, ханнык дойду эбитэ буоллар?” диэн ыйытыыларыгар хайалара да хоруй биэрбэтэҕэ. Онон билиһиннэрэбит.

Вася Волков Ил Дарханныын

 Василий олус сэмэй эр бэрдэ эбит. “Эн тускунан хаһыакка сырдатаары”, -- диэбиппэр, уолум: “Ээ, мин көннөрү оҕобун ээ”, -- диир. Ол сиэринэн, ситиһиитин, кыайыытын-хотуутун, дьарыгын туһунан улаханнык кэпсээбэтэҕин, хата, ийэтиттэн токкоолоһон биллим.

Үөрэҕэр чаҕылхай оҕону бары “кинигэ тутан баран олороро буолуо” дии саныыбыт. Суох, Вася оннук буолбатах. Бастатан туран, кини – уус. Аҕатыгар көмө буолар уҥа илиитэ. Аны туран, наһаа үчүгэй хоббилаах  – мастан кыһан, кырааскалаан, сөмөлүөттэри оҥорор. Ити кини кыра эрдэҕиттэн ыра санаата – лүөччүк буолан, салгын хараабылларын салайыы, халлаан күөх ньуурун устун көтүү.  

Оҥорбут сөмөлүөттэрэ

--Ол эрээри доруобуйабынан хапсыбаппын билэн, Москватааҕы физико-техническэй институт (МФТИ) авиационнай технологияларга салаатыгар туттарсан киирдим. Көтөр ааллары оҥорор инженер-конструктор буолабын, -- диир.

Сахаларга сэдэх идэни талбыт Вася Волков Дьокуускайдааҕы В.П. Ларионов аатынан физико-техническэй лицейи кыһыл көмүс мэтээлинэн бүтэрдэ. Оскуола сылларыгар математикаҕа да, физикаҕа да норуоттар икки ардыларынааҕы үрдүк таһымнаах олимпиадаларга миэстэлэһэр уолбут, аны туран, спортсмен бэрдэ, футбол фаната. Түүннэри утуйбакка да көрүөн сөп. 2018 сыллаахха Арассыыйаҕа ыытыллыбыт аан дойдутааҕы чемпионакка дьиэ кэргэнинэн баран, анаан-минээн көрбүттэрин күндүтүк саныыр. “Ыалдьар” хамаандата ангылычааннар “Арсеналлара” эрээри, биһириир оонньооччута Лионель Месси. Бэйэтэ эмиэ футболунан үлүһүйэр, оскуолатын хамаандатын хапытаана. Быйыл куорат күрэхтэһиитигэр үһүстээбиттэр.

ae386e3e 03de 452f be23 b210f66894d9

ФТЛ-га сылын аайы ыытыллар бастыҥ суруксуттарга Вася грамотнайынан, нууччалыы биир да тылы сыыһа суруйбатынан иннин кимиэхэ да биэрбэккэ бүтэрдэ. Манна даҕатан эттэххэ, ийэтэ Мария Васильевна нуучча тылын учуутала идэлээх. Ол эрээри Волковтар оҕолорун сахалыы ииппиттэрэ хайҕаллаах.

Быраата Даниллыын балта Диналыын

Оттон аҕата Вячеслав Егорович уола Васяны булка-аска уһуйар. Сэттэ сыллааҕыта Орто Халыматтан көһөн кэлбит буоланнар, дойдуларыгар тардыһыылара күүстээх. Былырыын Вася аҕатын кытта катамаранынан Сеймчантан Орто Халымаҕа диэри устубуттар.

Эр киһи сатабылын, майгытын-сигилитин иҥэринэ улааппыт Василий Волков туһунан “Булуус” лааҕырга иитээччинэн үлэлээбит Мария Горохова: “Ис-иһиттэн култуурунай, көрсүө-сэмэй оҕо. Наһаа үлэһит. Эппиэтинэстээх”, -- диэн хайгыыр.

Оттон мин: “Физикаҕар 1 баал тиийбитэ эбитэ буоллар, Саха сириттэн аан бастакынан 3 эксээмэни үһүөннэрин барытын 100 баалга суруйбут үөрэнээччи диэн аатырыаҥ этэ”, -- диэн тургутардыы ыйытабын. Онуоха уолум бэрт холкутук:

--Кыһыылаах эрээри, улаханнык хомойботоҕум. Туохха сыыспыппын өйдөөбүтүм. Дьиҥэр, төттөрүтүн, математикатааҕар да, нуучча тылынааҕар да физика сорудахтара чэпчэки этилэрэ. Баҕар, ол иһин наһаа холкутуйан биэрбитим буолуо. Түгэнинэн туһанан, учууталларбар махтанабын. Математикаҕа уһуйбут Любовь Ивановна Ефремоваҕа, Любовь Ивановна Самсоноваҕа. Физикаҕа үөрэппит Аида Вячеславовна Харлампьеваҕа. Уонна улуу нуучча тылыгар тапталы иҥэрбит Лариса Романовна Дмитриеваҕа. Итиэннэ Орто Халымаҕа бастакы олугу уурсубут Олимпиада Александровна Шадринаҕа.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением