Издательский дом Редакция Подписка
Погода в Якутске: . 19 oC
КУРС ЦБ: $ 74,30 | 88,17

Бу сыл тохсунньутугар РФ Бэрэсидьиэнэ Владимир Путин Судаарыстыбаннай Мунньахха туһаайбыт Анал этиитигэр: “I-IV кылаас үөрэнээччилэрин барыларын босхо итии аһылыгынан хааччыйарга этии киллэрэбин”, — диэн быһа сибээс кэмигэр иһитиннэрэн, үгүс төрөппүтү үөрдүбүтэ. Быйылгы үөрэх дьылыттан алын кылаас оҕолорун иҥэмтэлээх итии аһылыгынан аһатыахтаахтарын туһунан сокуон киирбитэ. 

Бу сыл тохсунньутугар РФ Бэрэсидьиэнэ Владимир Путин Судаарыстыбаннай Мунньахха туһаайбыт Анал этиитигэр: “I-IV кылаас үөрэнээччилэрин барыларын босхо итии аһылыгынан хааччыйарга этии киллэрэбин”, — диэн быһа сибээс кэмигэр иһитиннэрэн, үгүс төрөппүтү үөрдүбүтэ. Быйылгы үөрэх дьылыттан алын кылаас оҕолорун иҥэмтэлээх итии аһылыгынан аһатыахтаахтарын туһунан сокуон киирбитэ. 

Биһиги сокуон ылыныллыбытын кэннэ Ил Түмэн үөрэххэ, наукаҕа, култуураҕа, көрдөрөр-иһитин­нэрэр эйгэҕэ уонна уопсастыбаннай тэрилтэлэр дьыалаларыгар сис кэмитиэтин бэрэссэдээтэлэ Феодосия Габышеваттан үбүлээһин хайдах буолуоҕун туһунан ыйыппыппыт. Маныаха кини: “Бу сыалга федеральнай бүддьүөттэн судаарыстыбаннай көмө көрүллэрин ситиһэргэ үлэлэһэбит. Оскуолаларга доруобуйаҕа туһалаах аһы тэрийиигэ улахан үлэ барыахтаах. Холобур, оскуола остолобуойдарын сөптөөх оборудованиенан, хаачыстыбалаах бородууктанан хааччыйыахтаахпыт. Билиҥҥитэ алын кылаас оҕолорун доруобуйаҕа туһалаах аһынан аһыылларын ситиһэргэ, оскуолалар остолобуойдарын хааччыйыыга ыытыллар үп суота быһаарылынна. Ил Дархан Култуура, Спорт уонна физическэй култуура, Юстиция министиэристибэлэрин, итиэннэ борокуратуураны кытта бигэргэммит “Оскуола оҕолорун аһылыгын тэрийиигэ ороскуот нуорматын быһаарыы туһунан” ыйааҕын бырайыага оҥоһуллан, Үп министиэристибэтин көрүүтүгэр бэриллибитэ”, -- диэн хоруйдаабыта. Ол курдук, алын кылаас оҕолорун итии аһылыгынан хааччыйыыга көрүллэр үп кээмэйэ бигэргэммит. Бу тэрээһиҥҥэ федеральнай бүддьүөттэн 2020 сылга үбүлээһин кээмэйэ 419,8 мөл. солк. буолбат, өрөспүүбүлүкэ бүддьүөтүттэн – 36,5 мөл. солк. СӨ бырабыыталыстыбатын мунньаҕар муниципальнай тэриллиилэргэ көрүллэр субсидия кээмэйин бигэргэттилэр. СӨ үөрэҕин уонна наукатын миниистирэ Михаил Сивцев иһитиннэрбитинэн 2020-2021 сс. алын кылааска 62 тыһ. оҕо үөрэнэр.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ