СӨ Үөрэх миниистирэ Михаил Сивцев:
--Кырдьык, К.О. Гаврилов аатынан Атыы-экэниэмикэ кэллиэһэ сабылынна. Алтынньы 28 күнүгэр учредителлэри кытта -- “Холбос” уопсастыба салалтатыныын – сирэй көрсөн кэпсэппиппит. Уопсайа 635 устудьуон күнүскү үөрэххэ уонна кэтэхтэн үөрэнэ сылдьар этэ. Барыларын орто анал идэлэри бэлэмниир атын кыһаларбытыгар (Үп-экэниэмикэ кэллиэһэ, Сибээс уонна энэргиэтикэ кэллиэһэ, Сервис технологическай техникума, Инновационнай технология кэллиэһэ) көһөрдүбүт. Миэстэлэрин буллулар. Биир эрэ устудьуон көһө илик, аармыйаҕа сылдьар буолан. Кэллэҕинэ сайабылыанньа суруйан, салгыы үөрэниэҕэ. Төлөбүрдээххэ киирбиттэр квитанцияларын эрэ көрдөрөллөр, иккис хос төлөөбөттөр. Бүддьүөт миэстэтигэр үөрэнэр 275 устудьуоҥҥа балаҕан ыйдааҕы уонна алтынньытааҕы истипиэндьийэлэрин биэриэхпит. Преподавателлэри үлэнэн хааччыйыыга көмөлөһүөхпүт. Устудьуоннара көспүт кэллиэстэригэр, техникумнарыгар олохтуу сатыахпыт. Тоҕо диэтэххэ, олорго оҕолорун ахсаана элбээн, уһуйааччылар ноҕуруускалара улаатта, преподавателлэргэ наадыйаллар. Онон ким да үлэтэ да, үөрэҕэ да суох хаалыа суоҕа, бары оннуларын булуохтара.
- 0
- 0
- 0
- 0
- 0
- 0