Издательский дом Редакция Подписка
Погода в Якутске: . -14 oC

Сүрүн сонуннар

Бүгүҥҥү сонуннар

Бэлиитикэ

Тутуу туһунан сытыы сэһэргэһии

Кулун тутар 19 күнүгэр Ил Түмэҥҥэ «Саха Өрөспүүбүлүкэтин Аартыкатыгар социальнай эбийиэктэри уонна чааһынай дьиэлэри тутуу боппуруостара» төгүрүк остуол буолан ааста.
21.03.24 18:51

Экэниэмикэ

Пилота суох пуойастар

Ааспыт нэдиэлэҕэ Судаарыстыбаннай Дуумаҕа «Арассыыйа тимир суоллара» АУо генеральнай дириэктэрэ, бырабылыанньа бэрэссэдээтэлэ Олег Белозеров хампаанньа үлэтин түмүгүн, инники былааннарын билиһиннэрдэ уонна дьокутааттар, фракциялар ыйытыктарыгар…
24.03.24 10:24

Уопсастыба

Терактан эмсэҕэлээбит дьону өйүүргэ сокуон барылын киллэрдилэр

Судаарыстыбаннай Дуумаҕа терактан эмсэҕэлээбит Арассыыйа олохтоохторун өйүүр туһунан сокуон барылын киллэрдилэр. Бу докумуону Судаарыстыбаннай Дуума бүддьүөккэ уонна нолуокка сис кэмитиэтин чилиэнэ Оксана Дмитриева көҕүлээтэ. Ол туһунан «Парламентская газета»…
27.03.24 09:39

Култуура

Дьааҥылар артыыстары тыыннаах тойугунан көрүстүлэр

"Артыыстар иhэллэр үhү",- диэн үтүө сурах дьааҥыларга өссө тохсунньу ыйга иhиллибитэ. Онон өр күүппүт артыыстарын көрсөөрү олохтоохтор кэлэр - барар күннэрин эрдэттэн аттаран, астарын-таҥастарын бэлэмнээбиттэрэ ыраатта. Болдьохтоох күн үүммүтүгэр күндү…
07.03.24 11:40

Түһүлгэ

Сааскы саарбах кэмҥэ

Аламай маҥан күн абыралын, үтүөкэн үрүҥ күн үтүөтүн билэргэ үүммүт күнү үөрэ - көтө, сүргэ көтөҕүллэ көрсөр дьоллоох түгэн, саҕаламмыт саҥа күнү айхаллыыр астык түгэн тосхойдо. Кубулҕаттаах кулун тутар ыйбыт кубулуҥ - дьибилиҥ буолар, күлэн иһэн дьэбин…
27.03.24 09:44

Тыа сирэ

Андрей Находкин: Дьон күннээҕи кыһалҕаны эрэ буолбакка, тыа сирин сайдыытыгар кэскиллээх этиилэри туруоруста

Ил Түмэн сиргэ сыһыаннаһыыга, айылҕа ресурсаларыгар уонна экологияҕа сис кэмитиэтин бэрэссэдээтэлэ Андрей Находкин бу күннэргэ бэйэтин уоукургар - Мэҥэ-Хаҥалас улууһугар үлэлиир. Кини улуус баһылыга Дмитрий Тихоновы кытта улуус нэһилиэктэринэн сылдьан…
03.02.24 09:00

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

Стамбулга мунан хаалбыппар Таҥара көмөлөспүтэ

2000 сылларга дуоллар 24-25 солк. этэ, онон Сочига барардааҕар Турцияҕа сынньаммыт быдан чэпчэки буолара. Сылаас, ыраас муораҕа күөлэһийэ сөтүөлээн, үгүс-үтүмэн аквапаркаҕа хатааһылаан, бассейнҥа сөрүүкээн, рестораҥҥа төһөнү кыайаргынан ас арааһын амсайан,…
31.08.23 20:56

Арассыыйаҕа Оҕо саас 10 сыллаах декадатынан, Саха Өрөспүүбүлүкэтигэр Патриотизм сылынан, сэтинньи 11-22 күннэригэр Дьокуускайга “За будущее России: современные вызовы и консолидация регионов” диэн эрэгийиэннэр икки ардыларынааҕы гражданскай форум онлайн киэбинэн буола турар.

Арассыыйаҕа Оҕо саас 10 сыллаах декадатынан, Саха Өрөспүүбүлүкэтигэр Патриотизм сылынан, сэтинньи 11-22 күннэригэр Дьокуускайга “За будущее России: современные вызовы и консолидация регионов” диэн эрэгийиэннэр икки ардыларынааҕы гражданскай форум онлайн киэбинэн буола турар.

Бу форум чэрчитинэн “Эркээйи эргиирэ” бырагыраамаҕа туһуламмыт “төгүрүк остуол” тэрилиннэ. Онно министиэристибэлэртэн, Уопсастыбаннай палаататтан, Ил Түмэнтэн, үөрэх кыһаларыттан кыттыыны ыллылар.

--Бу саҥардыллыбыт “Эркээйи” сүрүн соруга –  бэйэтин аан дойду сорҕото гына сананар (человек мира) тус өйдөөх-санаалаах дэгиттэр киһини (личность) сайыннаран таһаарыы. Иитэн буолбатах, сайыннаран. "Эркэйи эргиирэ" бырайыакпыт салайааччыта Феодосия Габышева “иитии” диэн тылы “бэйэни сайыннарыы” диэҥҥэ уларыппыта. Кырдьык да, иитии диэн аһатыы-сиэтии, көрүү-харайыы диэн суолталаах курдук. Холобура, сүөһүнү иитэбит. Оттон сайыннарыы диэн ситиһиилээх киһини бэлэмнээһин буолар. Урукку өттүгэр барыта салайааччы тэрийэр, кытыннарар, соруйар эбит буоллаҕына, аны мантан ыла оҕо бэйэтэ баҕаран, толкуйдаан, дьулуһан оҥоруохтаах, сайдар суолун тобулуохтаах. Онуоха учуутала киниэхэ үөрэтэр эрэ  киһи буолбакка, настаабынньык, уһуйааччы оруолун толоруохтаах.

Личноһы сайыннарыы түһүмэхтэрэ оҕо төрүөн инниттэн 24 сааһыгар диэри (ис иһигэр сылдьар оҕону кытта ийэ күҥҥэ 4 чаас кэпсэтэн, көстүбэт ситимин эрдэттэн олохтууруттан саҕалаан, бу киһибит үрдүк үөрэҕи бүтэрэн, олоххо бэйэтин тус суолун буларыгар тиийэ) барыта саас-сааһынан ырытыллан сурулунна.  Бырагыраама сүрүн идиэйэтэ -- оҕо сайдар эйгэтин тэрийии.

Оҕоҕо сыһыаннаах туох баар сокуону, судаарыстыбаннай бэлиитикэни, “Стратегия развития воспитания в РФ на период до 2025 года" былааны – барытын тутуһан, олорго сигэнэн суруйдубут. “Эркээйи эргиирэ” уһун кэмҥэ олохтоохтук үлэлииригэр, бастатан туран, үчүгэй научнай-технологическай чинчийии ирдэнэр. Урут 1993 сыллаахха бу бырагырааманы үөрэх тиһигэр киллэрэрбитигэр, оскуолаларынан тарҕатарбытыгар 3 киһини үлэлэриттэн босхолоон туран анаабыттара. Итинник туспа үлэһиттэрэ суох олоххо киирэрэ уустук буолуо. Аны туран, бырагырааманы сүрүннүүр киин, Дьиэ кэргэн уонна оҕо саас научнай-чинчийэр института, итиэннэ сэбиэт тэриллиэн наада, -- диир “Эркээйи”  бырагыраамалары урут уонна билигин оҥорсубут Татьяна Ильина.

СӨ Дьиэ кэргэн дьыалаларыгар уонна ыччат бэлиитикэтигэр миниистирэ Степан Саргыдаев:

--CӨ оҕолорун уопсастыбаннай холбоһуктарын сойууһун бырайыага Ил Дархан граныгар тигистэ. Ол үбүнэн «Эркээйи эргиирэ» бырагырааманы икки тылынан, 1000-лыы ахсаанынан бэчээттэтиэхпит, ону сэргэ методическай босуобуйаларын эмиэ.

Быйылгыттан биһиги министиэристибэбит оҕо сайдар эйгэтин тэрийиигэ уһун кэмнээх бырайыагы саҕалаата. Бу уонна Ил Дархан былырыын биллэрбит «Мы – будущее России» бырайыактарыгар “Эркээйи эргиирэ” ис хоһоонунан толору сөп түбэһэр. Онон барытын ситимнээн,  алтыһыннаран,  далааһыннаахтык үлэлиэхпит.

 “Эркээйи эргиирэ” бырагыраама авторскай кэлэктиибин сүрүннээбит, СӨ Ыччат уонна оҕо уопсастыбаннай тэрилтэлэригэр тирэх буолар ресурснай киинин дириэктэрэ Геннадий Охлопков кэпсиир:

--“Эркээйи эргиирин” саҥардан суруйар туһунан этиини 2019 сыллаахха учууталлар Тохсунньутааҕы сүбэ мунньахтарыгар көтөхпүттэрэ. Тута үлэлэһэр дьон састаабын быһаарбыппыт. Сүрүн көмөлөһөөччүлэрбитинэн  бэтэрээннэрбит Т.М. Ильина, Е.П. Чехордуна, А.Д. Васильев уо.д.а. буолбуттара.

“Об образовании в РФ” федеральнай сокуоҥҥа балаҕан ыйын 1 күнүттэн уларытыыны киллэрдилэр – аны мантан ыла үөрэхтээһин иитэр өрүтэ күүһүрүөхтээх. Онон Арассыыйа үөрэхтээһинин академията (РАО) хас биирдии кыраай, уобалас, өрөспүүбүлүкэ иитэр үлэҕэ туһуламмыт бырагырааматын эһиилги үөрэх дьылыгар диэри оҥосторугар сорудахтаата. Маныаха эрэгийиэн бэйэтин национальнай, географическай, о.д.а. уратытын учуоттуура көҥүллэнэр. Маныаха биһиги “Эркээйи эргиирэ” бырагыраамабыт бары ирдэбилинэн уонна оруобуна кэмигэр оҥоһуллубута, тоҕоостоох кэмҥэ бэлэм буолбута үөрдэр.

Бырагырааманы оскуолаларынан ыыттыбыт. Онно олоҕуран, бэйэлэрин былааннарын оҥостуохтаахтар. Онуоха биһиги сүбэ-ама буолуохпут, ол туһуттан 2021 сылга 12 оройуонунан сэминээр ыыта барыахпыт.

Ил Түмэн дьокутаата, “Эркээйи эргиирин” салайааччыта Феодосия Габышева:

--Улахан үлэ оҥоһулунна. Бу бырагырааманы олоххо киллэрэргэ Ыччат, Үөрэх, Култуура, Спорт министиэристибэлэрэ, эбии үөрэх кыһалара, олохтоох дьаһалта -- бары кыттыһыахтаахтар, өйүөхтээхтэр. Мин билигин оскуолаларга сылдьан ыйыталастахпына, үксүлэрэ “Эркээйи эргиирин” туһунан билбэттэр. Онон бары турунан, үөрэх хас биирдии кыһата бу бырагырааманан үлэлиирин ситиһиэххэ.

        

  • 0
  • 0
  • 0
  • 0
  • 0
  • 0

Комментарии (1)

Саамай сэпкэ суруллубут "Эркээйи эргиирин"аан мацнай оскуоларга,эбии уэрэхтээьин тэрилтэлэр салайааччылара,о5о тумсуутун методистара бэйэлэрэ учугэйдик билсэн, уэрэтэн,ырытан баран хас киирдим о5о эйдуурун курдук быьааран биэдэхтэринэ ,дьэ оччо5о улэ тэтимэ тургэтиэ, тумугэ кэстуэ, итиннэ кылаас салайаччыларын кэмэлэьуннэриэххэ наада,ситиьиини ба5арабын✊

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением