Академик В.П. Ларионов аатынан «Инникигэ хардыы» НПК быйыл XXV төгүлүн ыытылынна. Ол курдук, 1996 сыллаахха аан бастакытын бу кэмпириэнсийэ буолбута.

Үбүлүөйдээх сылынан Үүнэр көлүөнэлэр пуондаларын генеральнай дириэктэрэ Владимир Егоров бу НПК сайдыытыгар сүҥкэн кылааттаах дьоҥҥо түөскэ иилиллэр бэлиэлэри туттартаата, лауреат үрдүк аатын иҥэрдэ.

 --Үйэ чиэппэрин кэмигэр “Инникигэ хардыы”, хас да көлүөнэ ыччаты билиигэ угуйан, наукаҕа ыҥыран, туох баар үөрэх кыһаларын хабар улахан маассабай хамсааһыҥҥа тиийэ кэҥээтэ-тэнийдэ. Ол барыта уһуйааччылар, учуонайдар сыралаах үлэлэрин түмүгэ. Үөрэнээччилэри чинчийэр үлэҕэ көҕүлүүр, интэриэстэрин тардар, умсугутар, үөрэтэр, сүбэлиир, ыйар-кэрдэр , кырдьыга да, талааннаах педагог эрэ кыайар сатабыла. Эһиги бары – учууталлар, эспиэрдэр, научнай салайааччылар, тэрийээччилэр – кэнчээри ыччат духуобунай эйгэтин байытыыга, сайыннарыыга сүҥкэн кылааттаах дьоҥҥут, -- диэн махтанна Владимир Егоров.

Кини бу НПК оҕо өй-билии өттүнэн сайдыытын сүрүннүүрүн, норуоттар икки ардыларынааҕы Интеллектуальнай оонньууларга бэлэмнэнии буоларын бэлиэтээтэ. Ил Дархан Ил Түмэҥҥэ быйылгы Анал этиитигэр Үүнэр көлүөнэлэр пуондаларын үлэтэ эмиэ бу хайысханан салалларыгар туһаайбыта.

         Дьэ, аны билигин кимнээх лауреат буолбуттарын билиэххэйиҥ.

Сонуну, саҥаны иилээн-саҕалаан, олоххо киллэрэр учууталларга "Новатор-педагог" бэлиэни биэрдилэр: 

Чинчийэр үлэ уустук эрээри, умсулҕаннаах эйгэтигэр ыйан-кэрдэн биэрэр, сүбэлиир уһуйааччыларга "Настаабынньык-педагог" бэлиэ туттарылынна:

Кэнчээри ыччаты наукаҕа туһаайар дьоммут "Учуонай-настаабынньык" бэлиэни ыллылар:

Хаһыс эмэ сылларын "Инникигэ хардыы" НПК дьүүллүүр сүбэтигэр үлэлэһэр эспиэрдэри "Эксперт-учуонай" бэлиэнэн наҕараадалаатылар:

"Инникигэ хардыы" кэмпириэнсийэни өйөөбүт, билигин ыкса үлэлэһэр ытыктабыллаах дьоммутугар бочуоттаах бэлиэ ананна: