Издательский дом Редакция Подписка
Погода в Якутске: . 26 oC
КУРС ЦБ: $ 72,86 | 88,65

Саха ϴрөспүүбүлүкэтин Үөрэҕин уонна наукатын министиэристибэтэ «Эркээйи эргиирэ»  диэн оҕо, ыччат сайдар эйгэтин тэрийэргэ туһуламмыт эрэгийиэн таһымнаах бырагырааманы оҥорон бүтэрэн, олоххо киллэрэр ньымаларын тобулар. Ол туһунан «Ил Түмэн» хаһыат эрэдээксийэтигэр бырагырааманы сүрүннээччи, «Юные якутяне» өрөспүүбүлүкэтээҕи тирэх киин үлэһитэ Геннадий Охлопков кэпсээтэ.

Саха ϴрөспүүбүлүкэтин Үөрэҕин уонна наукатын министиэристибэтэ «Эркээйи эргиирэ»  диэн оҕо, ыччат сайдар эйгэтин тэрийэргэ туһуламмыт эрэгийиэн таһымнаах бырагырааманы оҥорон бүтэрэн, олоххо киллэрэр ньымаларын тобулар. Ол туһунан «Ил Түмэн» хаһыат эрэдээксийэтигэр бырагырааманы сүрүннээччи, «Юные якутяне» өрөспүүбүлүкэтээҕи тирэх киин үлэһитэ Геннадий Охлопков кэпсээтэ.

IMG 20210224 WA0051

Бу хайысхаҕа үлэни тэрийии боппуруоһа «Юные якутяне» өрөспүүбүлүкэтээҕи тирэх кииҥҥэ, итиэннэ С.Н. Донской-II аатынан үөрэх сайдыытын уонна идэни үрдэтэр институкка сүктэриллибит. Маныаха эрэгийиэн таһымыгар далааһыннаах үлэни тэрийэргэ координационнай сэбиэт тэриллэрэ, «дорожнай карта» оҥоһуллара былааннаммыт. Үөрэх ситимин үлэһиттэригэр, педагогтарга уонна учууталларга аналлаах куурустары, сэминээрдэри тэрийэн саҕалаабыттар. Маны таһынан үөрэх түөрт таһымынан пилотнай былаһааккалары сүүмэрдээн үлэлэтэргэ сорук турбут.

222

Ол аата улуустар муус устар 1 күнүгэр диэри министиэристибэ аатыгар дьыссааттарын, оскуолаларын, эбии үөрэхтээһин, ону сэргэ орто анал үөрэх тэрилтэлэрин сайаапкалаан, «Эркээйи эргиирэ» бырагыраамаҕа кыттыһан, ис хоһоонноох үлэни тэрийэллэрин биллэриэхтээхтэр. Салгыы 15 чыыһылаҕа диэри Интернет ситимигэр тахсан, бэлэмнэрин, үлэлииргэ баҕаларын уонна кыахтарын кэпсээн, сүүмэрдээһини ааһыахтаахтар. Оччотугар өрөспүүбүлүкэбит иһигэр аттарыллыбыт 9 зонанан үөрэх таһымын аайы пилотнай былаһааккалары министиэристибэ бирикээһинэн аныахтаахтар.

323

"Үлэ ыытыллар миэстэтин чопчулаан, 3 сыл болдьохтоох сыаллаах-соруктаах үлэни тэрийэргэ бэлэмнэнэбит", -- диэн сэһэргиир Геннадий Охлопков. Ордук болҕомто оҕо сайдарыгар тэриллэр тас эйгэҕэ буолбакка, личность ис эйгэтин арыйарга, оҕо төрүөн инниттэн 24 сааһын ситиэр диэри айылҕаттан, өбүгэлэриттэн бэриллибит ис кыаҕын билэргэ, ону арыйарга, салгыы сайыннарарга дьулуһуллуохтаах.

Маныаха бырагыраама «Сэргэлээх» оскуола-лаборатория хас эмиэ сыл үлэлээн кэлбит «ϴй-санаа уонна Дьарык» диэн кэнсиэпсийэтин үтүө түмүктэригэр олоҕуран, иитии-сайыннарыы тиһигин уратытык тэрийэн барыахтаах. Ол аата иитиллээччигэ, үөрэнээччигэ билиини тиэрдии эрэ буолбакка, оҕо бэйэтэ толкуйдаан, ырытан, атыттары кытта дьайсан, санаатын-толкуйун этэн, атыттары болҕойон истэн, билии-үөрэх саҥаттан-саҥа кирбиилэрин баһыйан иһиэхтээх.

111 3

Бу соругу ситиһэргэ «Эркээйи эргиирэ» бырагыраама салайааччыта, Саха ϴрөспүүбүлүкэтин үөрэҕириитин үтүөлээх үлэһитэ Татьяна Ильина салайар айар бөлөҕө методическай ыйынньыктары бэлэмнээн таһаарыаҕа. Сотору кэминэн тэттик пособиелар бэчээттэнэн, улуустарга тарҕаныахтара.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ