Издательский дом Редакция Подписка
Погода в Якутске: . -14 oC

Сүрүн сонуннар

Бүгүҥҥү сонуннар

Бэлиитикэ

Тутуу туһунан сытыы сэһэргэһии

Кулун тутар 19 күнүгэр Ил Түмэҥҥэ «Саха Өрөспүүбүлүкэтин Аартыкатыгар социальнай эбийиэктэри уонна чааһынай дьиэлэри тутуу боппуруостара» төгүрүк остуол буолан ааста.
21.03.24 18:51

Экэниэмикэ

Пилота суох пуойастар

Ааспыт нэдиэлэҕэ Судаарыстыбаннай Дуумаҕа «Арассыыйа тимир суоллара» АУо генеральнай дириэктэрэ, бырабылыанньа бэрэссэдээтэлэ Олег Белозеров хампаанньа үлэтин түмүгүн, инники былааннарын билиһиннэрдэ уонна дьокутааттар, фракциялар ыйытыктарыгар…
24.03.24 10:24

Уопсастыба

Терактан эмсэҕэлээбит дьону өйүүргэ сокуон барылын киллэрдилэр

Судаарыстыбаннай Дуумаҕа терактан эмсэҕэлээбит Арассыыйа олохтоохторун өйүүр туһунан сокуон барылын киллэрдилэр. Бу докумуону Судаарыстыбаннай Дуума бүддьүөккэ уонна нолуокка сис кэмитиэтин чилиэнэ Оксана Дмитриева көҕүлээтэ. Ол туһунан «Парламентская газета»…
27.03.24 09:39

Култуура

Дьааҥылар артыыстары тыыннаах тойугунан көрүстүлэр

"Артыыстар иhэллэр үhү",- диэн үтүө сурах дьааҥыларга өссө тохсунньу ыйга иhиллибитэ. Онон өр күүппүт артыыстарын көрсөөрү олохтоохтор кэлэр - барар күннэрин эрдэттэн аттаран, астарын-таҥастарын бэлэмнээбиттэрэ ыраатта. Болдьохтоох күн үүммүтүгэр күндү…
07.03.24 11:40

Түһүлгэ

Сааскы саарбах кэмҥэ

Аламай маҥан күн абыралын, үтүөкэн үрүҥ күн үтүөтүн билэргэ үүммүт күнү үөрэ - көтө, сүргэ көтөҕүллэ көрсөр дьоллоох түгэн, саҕаламмыт саҥа күнү айхаллыыр астык түгэн тосхойдо. Кубулҕаттаах кулун тутар ыйбыт кубулуҥ - дьибилиҥ буолар, күлэн иһэн дьэбин…
27.03.24 09:44

Тыа сирэ

Андрей Находкин: Дьон күннээҕи кыһалҕаны эрэ буолбакка, тыа сирин сайдыытыгар кэскиллээх этиилэри туруоруста

Ил Түмэн сиргэ сыһыаннаһыыга, айылҕа ресурсаларыгар уонна экологияҕа сис кэмитиэтин бэрэссэдээтэлэ Андрей Находкин бу күннэргэ бэйэтин уоукургар - Мэҥэ-Хаҥалас улууһугар үлэлиир. Кини улуус баһылыга Дмитрий Тихоновы кытта улуус нэһилиэктэринэн сылдьан…
03.02.24 09:00

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

Стамбулга мунан хаалбыппар Таҥара көмөлөспүтэ

2000 сылларга дуоллар 24-25 солк. этэ, онон Сочига барардааҕар Турцияҕа сынньаммыт быдан чэпчэки буолара. Сылаас, ыраас муораҕа күөлэһийэ сөтүөлээн, үгүс-үтүмэн аквапаркаҕа хатааһылаан, бассейнҥа сөрүүкээн, рестораҥҥа төһөнү кыайаргынан ас арааһын амсайан,…
31.08.23 20:56

Омун буолбатах, сүүрбэччэ сыл анараа өттүгэр: «Аллараа Бэстээххэ поезд кэлиэ, үс үллэр үөстээх Өлүөнэ эбэбитин туоруур тимир күргэ баар буолуо», — диир киһини дьиксинэ көрөрбүт.

Омун буолбатах, сүүрбэччэ сыл анараа өттүгэр: «Аллараа Бэстээххэ поезд кэлиэ, үс үллэр үөстээх Өлүөнэ эбэбитин туоруур тимир күргэ баар буолуо», — диир киһини дьиксинэ көрөрбүт.

Туох да диэбит иһин, Сахабыт сирэ кэнники сылларга балысханнык сайдар. Ол биир туоһутунан 2011 сыллаахха Мэҥэ Хаҥалас Аллараа Бэстээҕэр аныгы кэм үөрэҕин кыһата – Тырааныспар техникума — аһыллыбыта буолар. Үөрэх бу кыһатын мин биир дойдулааҕым, Сунтаар уола Николай Николаевич Иванов салайар эбит.

Салайар үлэ сатабылыгар уһуйуллан

Бу аҕыйах хонуктааҕыта Дьокуускайга тиийэ сылдьан, саха ыччатыгар наадалаах үөрэх кыһата эбит дии санаан, анаан-минээн Аллараа Бэстээххэ тиийэн, Николай Николаевиһы сирэй көрсөн кэпсэтэн киирдим.

Николай Иванов 1987 сыллаахха Сунтаарга Николай Иосифович уонна Идаида Николаевна Ивановтар дьиэ кэргэттэригэр үһүс оҕонон күн сирин көрбүт, икки эдьиий­дээх. 2004 сыллаахха Сунтаардааҕы политех­ническай лиссиэйи бүтэрбит. Новоси­бирскайдааҕы судаарыстыбаннай университекка киирэн, сыл үөрэнэн баран, Дьокуускайга Хотугулуу-Илиҥҥи федеральнай университет устуоруйаҕа факультетыгар көспүт. Ону 2011 сыллаахха бүтэрбит.

Үрдүк үөрэҕин бүтэриэҕиттэн наар салайар үлэлэргэ сылдьар. Бастаан СӨ Ил Дарханын иһинэн Салайыы институтугар үлэҕэ киирбит. Онтон СӨ Үөрэххэ уонна наукаҕа министиэристибэтин орто анал үөрэх отделыгар 4 сыл, ол кэнниттэн Сибээс техникумун дириэктэрин солбуйааччынан үлэлээбит. 2020 сыл атырдьах ыйыттан Николай Иванов Аллараа Бэстээххэ Р.И.Брызгалов аатынан Тырааныспар техникумун дириэктэринэн анаммыт. Кини бу тэрилтэ төрдүс дириэктэрэ буолар.

Иванов НН

Штыров өҥөтүнэн

Николай Иванов кэпсииринэн, бу техникум Саха Өрөспүүбүлүкэтин оччотооҕу Бэрэсидьиэнэ Вячеслав Анатольевич Штыров өҥөтүнэн тутуллубут уонна үлэҕэ киирбит. Вячеслав Анатольевич билигин даҕаны бу «төрөппүт оҕотун» кытта сибээһин быспат, хайа кыалларынан, көмөлөһөр, билсэ-көрсө турар эбит. Кырдьык, Вячеслав Анатольевич саха ыччатын туһугар бэрт кэскиллээҕи толкуйдаан, «Арассыыйа тимир суоллара» тэрилтэни кытта улаханнык сыралаһан туруорсан, үлэҕэ киллэттэрбитигэр, билигин биһиги махтаныах кэриҥнээхпит. Манна таарыччы эттэххэ, Вячеслав Штыров Саха сирин тыатын хаһаайыстыбата сайдыытын саамай өйөөбүт бэрэсидьиэн этэ ээ. Өрөспүүбүлүкэ бүддьүөтүн 15 % кэриҥин тыа хаһаайыстыбатыгар анаппыт баһылык баара билиҥҥитэ биллибэт ээ.

2 1

Биир миэстэҕэ түөртүү киһи

Билэрбит курдук, Саха сиригэр тимир суол сылтан сыл сайдан иһэр. Ону кытта тэҥҥэ Аллараа Бэстээхтээҕи тырааныс­пар техникума сайдар-улаатар, кэҥиир. Дириэктэр Николай Иванов кэпсииринэн, бу техникум өрөспүүбүлүкэбит орто анал үөрэҕин кыһаларыттан биир бастыҥнара уонна ыччакка саамай баҕалаахтара буолан иһэр эбит. Ол билиҥҥи олох ирдэбилэ даҕаны буоллаҕа дии. Билиҥҥитэ техникумҥа туттарсыыга 1 миэстэҕэ 4-5 сайабылыанньа киирэр эбит. Манна билигин 4 идэҕэ бэлэмнииллэр: «Строительство железных дорог, путь и путевое хозяйство», «Организация пере­возок и управление на транспорте (железнодорожном)», «Техническая эксплуатация подвижного состава железных дорог (локомотивы)».

Техникумҥа күн бүгүн 320 устудьуон үөрэнэр, 80-ча араас үлэһит, ол иһигэр 50-ча преподаватель үлэлиир. Техникум тимир суол үлэһиттэрин эрэ буолбакка, суоппардары, сыбаарсыктары, мэхээнньиктэри, повардары бэлэмнээн таһаарар. Сорох преподавателлэр Хабаровскайтан, Новосибирскайтан вахтовай ньыманан кэлэн үлэлииллэр. Ону тэҥэ дуогабар быһыытынан, «Железные дороги Якутии» хампаанньа үлэһиттэрэ эмиэ үөрэтэллэр.

Быйылгы үөрэх дьылыгар бүддьүөт 150 миэстэтигэр күрэстэһии буолуоҕа. Үөрэххэ киирэргэ докумуоннары электроннай порталга ыытыахха сөп эбит.

6be7526e be87 46f4 9345 36ecac1f034c 1

Усулуобуйалара оһуобай

Устудьуоннар 250 миэстэлээх, аныгы ирдэбилгэ толору эппиэттиир уопсай дьиэҕэ олороллор. Онно туспа куукуна, таҥас сууйар миэстэ, тренажернай уонна киинэ саалалара бааллар. Бүддьүөт суотугар киирбит устудьуоннарга, ону тэҥэ тулаайахтарга туспа социальнай истипиэндьийэлээхтэр. Маны таһынан үөрэх бастыҥнара улуус баһылыгын, итиэннэ билигин биһиги ортобутугар суох Ил Түмэн дьокутаата, СӨ үтүөлээх тутааччыта, РФ ОДьКХ бочуоттаах үлэһитэ Александр Романов уонна техникум аатын сүгэр Роман Брызгалов ааттарынан истипиэндьийэлэри ылаллар.

Үөрэнэр куорпуска электроннай регистрациялаах, баай пуондалаах бибилэтиэкэ, цифровой мусуой бааллар. Минньигэс астаах улахан остолобуой үлэлиир.

Эксээмэнэ суох ылаллар

Устудьуоннар 90  %-нара уолаттар уонна үксэ сахалар. Тохсус кылаас кэнниттэн киирдэххинэ, 3 сыл 10 ый, оттон орто оскуола кэнниттэн 2 сыл 10 ый үөрэнэҕин. Үөрэххэ киирии от, атырдьах ыйдарыгар буолар, эксээ­мэнэ суох аттестат түмүгүнэн ылаллар.

Ити курдук, үс үллэр үөстээх, үлүскэннээх сүүрүктээх Өлүөнэ Эбэ Хотун үрдүк мындаа биэрэгэр турар, үүнэр-сайдар Аллараа Бэстээххэ баар техникум, Саха сирин биир инники кэскиллээх үөрэҕин кыһата, ыччаты ыҥырар, угуйар.

Борис Николаев, Сунтаар-Аллараа Бэстээх.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением