Издательский дом Редакция Подписка
Погода в Якутске: . -19 oC
КУРС ЦБ: $ 71,53 | 82,83

От ыйын 29 күнүгэр бакалавриат уонна специалитет бырагыраамаларынан Хотугулуу- Илиҥҥи федеральнай үнүбэрситиэккэ абитуриеннартан үөрэххэ туттарсыы сайабылыанньатын ылыы түмүктэннэ. Киин приемнай хамыыһыйа 11,5 тыһ.  сайабылыанньаны регистрациялаата, диэн ХИФУ пресс-сулууспата иһитиннэрэр.

От ыйын 29 күнүгэр бакалавриат уонна специалитет бырагыраамаларынан Хотугулуу- Илиҥҥи федеральнай үнүбэрситиэккэ абитуриеннартан үөрэххэ туттарсыы сайабылыанньатын ылыы түмүктэннэ. Киин приемнай хамыыһыйа 11,5 тыһ.  сайабылыанньаны регистрациялаата, диэн ХИФУ пресс-сулууспата иһитиннэрэр.

«Абитуриеннарга саамай долгутуулаах кэм үүннэ. Куонкурус түмүгүн испииһэктэрэ атырдьах ыйын 2 күнүгэр тахсыахтара. Быйыл испииһэк оҕо аатынан-суолунан толоруллубат, үөрэххэ киирбит оҕо СНИЛС-ын нүөмэрдэрэ эрэ ыйыллар. Бу сибидиэнньэлэр абитуриент тус кабинетыгар тахсыахтара https://www.s-vfu.ru/abit/.

Үөрэххэ киирии икки түһүмэҕинэн ыытыллар: сүрүн түһүмэҕэ атырдьах ыйын 17 күнүгэр диэри ыытыллар. Салгыы хас биирдии үөрэххэ киирбит абитуриент сөбүлэҥ сайабылыанньатын биэрэрэ улахан суолталаах - үөрэххэ киирии болдьоҕо араас. Абитуриеннарга ситиһиилэри баҕарабын!», - диэн Киин приемнай хамыыһыйа начаалынньыга Елизавета Ильина кэпсиир.

2021 07 30 12 53 21

Ордук элбэх сайабылыанньа медицинскэй үнүстүүт «Лечебное дело» хайысхатыгар уонна математика, информатика үнүстүүккэ киирдэ. Техническэй бырагыраамалар ортолоругар инженернэй-техническэй уонна хайа үнүстүүттэрэ бастыҥнар. Гуманитарнай хайысхаҕа ордук омук филологиятын уонна регионоведение, юридическай факультеттар. ХИФУ- га туттарсарга барыта 38 федеральнай олимпиада кыайыылаахтара бааллар.

Санаттахха, атырдьах ыйын 5 күнүгэр ординатура, атырдьах ыйын 10 күнүгэр – магистратура уонна аспирантура бырагыраамаларынан үөрэххэ туттарсыы докумуоннарын ылыы түмүктэнэр. ХИФУ абитуриенын сайабылыанньатын ылыы тус кабинетын нөҥүө тэрилиннэ.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ