Издательский дом Редакция Подписка
Погода в Якутске: . -13 oC
КУРС ЦБ: $ 71,53 | 82,83

1938 сыл атырдьах ыйын 29 күнүгэр ССРС Норуодунай Комиссардарын Сэбиэтэ «Үрдүк үөрэххэ кэтэхтэн үөрэнии туһунан» уурааҕа тахсыбыт.

1938 сыл атырдьах ыйын 29 күнүгэр ССРС Норуодунай Комиссардарын Сэбиэтэ «Үрдүк үөрэххэ кэтэхтэн үөрэнии туһунан» уурааҕа тахсыбыт.

ССРС-ка кэтэхтэн үөрэнии систиэмэтэ өссө 1919 сыллаахха киирбит. Компартия сийиэһигэр оробуочайдар уонна бааһынайдар үөрэхтээх буолалларыгар судаарыстыбаннай таһымҥа көмөлөһөргө быһаарбыттар. 1920 сылга бэйэ үөрэнии литературатын бэчээттээн таһаарар буолбуттар -- «Школа на дому», «Народный университет на дому», «Готовься в вуз», «Учись сам» уонна да атыттары. Ол кэннэ кэтэхтэн үөрэнэр куурустар аһыллыбыттар. Үрдүк үөрэх кыһаларыгар омук тылын, сэбиэскэй тутууга уонна да атын куурустар аһыллыбыттар. Манна үлэһиттэр квалификацияларын үрдэтэллэрэ.

1929 сыллаахха РСФСР үрдүк уонна орто үөрэх кыһаларыгар кэтэхтэн үөрэнии бэрээдэгин бигэргэппит. Ол эрээри кэтэхтэн үөрэнии суолталаах төрүөтүнэн күнүн аайы үөрэх тэрилтэтигэр кэлэн, сатаан үөрэнэр кыаҕа суох устудьуоннарга эрэ көҥүллэнэрэ.

Ол курдук, 1938 сыл атырдьах ыйын 29 күнүгэр эрэ ССРС Норуодунай Комиссардарын Сэбиэтин уурааҕынан ханнык исписээлинэскэ уонна ханнык үөрэх кыһаларыгар кэтэхтэн үөрэниэхтэрин сөбүн быһаарыллыбыт. Онно үөрэх кыһаларыгар курсовой систиэмэнэн үөрэнии, эксээмэннэри, зачеттары булгуччу туттарыы киирбит. Оттон кэтэхтэн үөрэнээччилэр үлэлэригэр төлөнөр уоппуска ылар кыахтаммыттар.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ