--Дьокуускайга ити боппуруос сытыытык турар. Оҕо элбэх – кылаастар кыараҕастар. РФ Үөрэҕин министиэристибэтэ кэлэр 2023 сылга диэри 5 үөрэх тэрилтэтигэр -- 5-с, 26-с, 29-с уонна Хатас, Пригороднай оскуолаларыгар -- эбии салҕааһын, итиэннэ Мархаҕа оскуола тутарга сөбүлэҥин биэрдэ. Ону таһынан 2024 сылга үөрэх 6 эбийиэгин эмиэ федеральнай үбүнэн туттарарга докумуон бэлэмнээн ыыттыбыт. Бу сыл бүтүөр диэри хардатын биллэриэхтээхтэр. Сөбүлэстэхтэринэ, тиийбэт 15000 миэстэбититтэн 10 тыһыынчатын ити оскуолаларынан уонна салҕааһыннарынан толоробут. Оттон хаалбыт 5 тыһыынчаны маннык ньыманан быһаарар былааннаахпыт: Жатай диэки орто анал кыһаларга анаан кампус (устудьуон куоратын) тутабыт. Туох баар техникумнар, колледжтар, училищелар онно көһөллөр. Кинилэр дьиэлэрин оскуолаларга биэрэбит. Оччоҕо 2024 сылтан бары биир (бастакы) симиэнэҕэ үөрэнэр буолуохтара этэ.
Манна даҕатан эттэххэ, быйыл өрөспүүбүлүкэ үрдүнэн 12 оскуола уонна 13 оҕо саада тутуллан, сыл бүтүөр диэри бары үлэҕэ киириэхтээхтэр.
- 0
- 0
- 0
- 0
- 0
- 0