Издательский дом Редакция Подписка
Погода в Якутске: . -9 oC
КУРС ЦБ: $ 73,96 | 86,68

СӨ Ил Дарханын уонна Бырабыыталыстыбатын дьаһалтата иһитиннэрбитинэн, Саха сирин 166 оскуолата хапытаалынай өрөмүөн үлэтигэр наадыйар, олортон 116-та тыа сиригэр баар. Бу үлэни ыытарга 2,3 млрд солкуобай үп эрэйиллэр эбит.

СӨ Ил Дарханын уонна Бырабыыталыстыбатын дьаһалтата иһитиннэрбитинэн, Саха сирин 166 оскуолата хапытаалынай өрөмүөн үлэтигэр наадыйар, олортон 116-та тыа сиригэр баар. Бу үлэни ыытарга 2,3 млрд солкуобай үп эрэйиллэр эбит.

 Испэсэлиистэр бэлиэтииллэринэн, сотору кэминэн хапытаалынай өрөмүөн бырагырааматын испиэһэгэр киирэр бастакы эбийиэктэр чопчуланыахтара. Ол курдук бүгүҥҥү күҥҥэ 114,7 мөлүйүөн солкуобай суумаҕа түөрт эбийиэк докуомуона бэлэм буолбут. Былаан быһыытынан 2026 сылга диэри уопсайа 166 эбийиэккэ, биэс сылга аттаран, өрөмүөн үлэтин ыытыахтаахтар.

СӨ үөрэҕирин уонна билимин миниистирин солбуйааччы Владимир Тихонов иһитиннэрэбитинэн, өрөспүүбүлүкэ үрдүнэн 641 оскуола баар эбит. Олортон 184-дэ куорат уокуругар, онтон 457-тэ тыа сиригэр. Үөрэнээччи уопсай ахсаана – 148 931.

Өрөспүүбүлүкэ салалтата федеральнай бырагырааммаҕа киллэрэргэ алтынньы 10-с күнүгэр диэри хапытаалынай өрөмүөҥҥэ наадыйар эбийиэктэр испиэһэктэрин бэлэмнээн ыытыахтаах. Онуоха хас биирдии эбийиэккэ судаарыстыбаннай экспертиир управление өрөмүөн үлэтин көрүҥнэринэн араарыллыбыт симиэтэни бигэргэтэн түмүк оҥоруохтаах. 

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ