Издательский дом Редакция Подписка
Погода в Якутске: . -31 oC
КУРС ЦБ: $ 71,53 | 82,83

Ааспыт өрөбүллэргэ Москубаҕа кылаас салайааччыларын бүтүн арасссыыйатааҕы бастакы форума буолан ааста. Хайдах ис хоһоонноох үлэ ыытыллыахтааҕын, оҕо сайдар эйгэтин олохтуурга туох ирдэбиллэр уонна соруктар туруоруллубуттарын туһунан Арассыыйа Бэдэрээссийэтин просвещениеҕа миниистирэ Сергей Кравцов билиһиннэрдэ.

Ааспыт өрөбүллэргэ Москубаҕа кылаас салайааччыларын бүтүн арасссыыйатааҕы бастакы форума буолан ааста. Хайдах ис хоһоонноох үлэ ыытыллыахтааҕын, оҕо сайдар эйгэтин олохтуурга туох ирдэбиллэр уонна соруктар туруоруллубуттарын туһунан Арассыыйа Бэдэрээссийэтин просвещениеҕа миниистирэ Сергей Кравцов билиһиннэрдэ.

«Кылаас салайааччыларын түмэн олорон, ис хоһоонноох кэпсэтииини ыытар баҕа уруккаттан баара. Эһиги билэҕит, бу санааны дойду бэрэсидьиэнэ Владимир Путиҥҥа этэн турабын. Онуоха кини өйүүрүн биллэрбитэ», – диэн форум кыттыылаахтарыгар миниистир болҕомтотун туһаайда.

Санатан эттэххэ, бэрэсидьиэн көҕүлээһининэн ааспыт үөрэх дьылыттан бары кылаас салайааччыларыгар эбии төлөбүр көрүллэр буолбут. Онтон быйылгы сылтан орто анал үөрэх устудьуоннарын кураатардарыгар «эбилик» киирбит. Биллэн турар, иитии үлэтин көдьүүһүрдэргэ бу миэрэлэр улахан суолталаахтар.

«Үөрэхтээһин сокуонугар иитии хайысхата билиини иҥэрэр соруктан инники турар. Тоҕо диэтэр иитии хаачыстыбата, ис хоһооно дойдубут кэлэр кэскилин кытта быһаччы ситимнээх. Оскуола боруогуттан хайдах киһи ситэн-хотон тахсарыттан, кини дьайыыларыттан, эппиэтинэһи өйдүүр кыаҕыттан, төрүт үгэстэри уонна историяны билинэриттэн, төрөөбүт дойдутун төһө ытыктыырыттан, бэйэтин саастыылаахтарын уонна аҕа көлүөнэни кытта сыһыаныттан улахан тутулуктаах», – диэн бэлиэтиир Сергей Кравцов.

yc1pokcj8sk

Салгыы федеральнай миниистир 10 эрэгийиэҥҥэ пилотнай бырайыак быһыытынан «иитэр үлэҕэ дириэктэр сүбэһитэ» диэн саҥа дуоһунас киирбитин ахтан ааста. Маныаха дириэктэртэн саҕалаан, иитии хайысхатын бары исписэлиистэрэ, кылаас салайааччылара биир хамаанда буолан, эйгэни тэрийэргэ айымньылаахтык үлэлииллэрэ ирдэнэрин ыйда. Учуутал күнүн көрсө «Арассыыйа бастыҥ учуутала», «Бастыҥ оскуола дириэктэрэ», «Бастыҥ баспытаатал» идэ туйгуннарын быһаарар куонкурустар кыайыылаахтара ааттаммыттарын иһитиннэрдэ.

Атырдьах ыйыгар ыытыллыбыт судаарыстыбаннай сэбиэт президиумун мунньаҕар Владимир Путин үөрэх эйгэтигэр учуутал үлэтин «услуга» быһыытынан сыналыыр табыллыбатын уонна ити тылтан олоччу тэйэр туһунан быһаарыныыны ылбыт. Маныаха: «Судаарыстыбаннай Дуума сиэссийэтигэр көрүллэн, өйөнүөх тустаах», – диэн эттэ миниистир. Маныаха форум кыттыылаахтара үөрэн, ытыс таһынан, сорохтор иһиирэн, махталларын биллэрдилэр. Өссө биир үөрүүлээх сонунунан миниистир Госдуумаҕа просвещениеҕа туспа кэмитиэт олохтонор буолбутун ааттаата.

747573452589854db0bb628e04f19dafbfd48a5a2aa28d1aac3fcb93472b12d4

«Үгүс элбэх учуутал оскуолаҕа отчуот толорортон соло булбаттарын ыйбыттара. Ол иһин эрэгийиэн салайааччыларыгар ааспыт субуотаҕа «сүрүн ирдэнэр докумуоннартан атыны ирдээмэҥ» диэн сурук ыытан турабын. Бу сурукка бэлиэтээтим, өскөтүн кылаас салайааччыта сурунаал электроннай көрүҥүн толорор буоллаҕына, кумааҕыга хаттаан киллэрбэт. Эбэтэр төттөрүтүн: кумааҕыны талар түгэнигэр, электроннайы туһаммат», – диэн чочулуур салайааччы. Маны этэн туран, Сергей Кравцов: «Хас биирдии оскуолаҕа бу сорудах төһө туоларын хонтуруоллааҥ», – диэн форум кыттыылаахтарын ыҥырда.

Салгыы миниистир форум түмүгүнэн ылыллар сүрүн докумуон ис хоһоонугар болҕойдо. Ол курдук, меморандумҥа маннык бэлиэтэнэр: оҕо личноhын сайыннарыы – судаарыстыба соруга, педагогика үтүө үгэстэрэ –  иитии тирэҕэ, оскуолаҕа сайдар эйгэни олохтооһун – кэллэктиип бүттүүн үлэтэ, кылаас салайааччыта уонна төрөппүт ситимнээх дьайыыга киирэр эрэ буоллаҕыта, иитии үлэтэ ситэр-хотор кыахтанар, кылаас салайааччыта оҕолорун кытта алтыһар үлэтин сүрүн көрүҥэ – кылаас чааһа, уруок таһынааҕы дьарык – сайдар эйгэ дьоһун кыаҕа, ис хоһоонноохтук уонна өйдөөн, ылынан туран оҥоруу – патриотизм сүрүн көстүүтэ, цифровой грамотность тыыннаах үөрэх эйгэтин ситэрэр-хоторор ньымата уо.д.а.

1 aZ9Fyi5GU

Түмүккэ Сергей Кравцов 1000 кэриҥэ делегат быһыытынан талыллан кэлбит кылаас салайааччыларыгар өссө биирдэ сүрүн санаалары, тирэх өйөбүллэри ырытарга, кыһалҕалары быһаарарга, үлэни тупсарарга сонун этиилэри киллэрэргэ ыҥырда. «Эһиги суруйар этиилэргит, туруорар соруктаргыт министиэристибэбит үлэтин ис хоһооно буолуохтаах», – диир просвещение миниистирэ.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ