Оскуолаларын бүтэрэн үөрэххэ туттарсаары сылдьар эдэр дьон БКЭ хайдах туттаралларын туһунан билиэхтэрин баҕарар буолуохтаахтар. Бэҕэһээ СӨ үөрэҕин уонна наукатын миниистирин э.т. Михаил Сивцев иһитиннэрбитинэн, РФ үөрэҕириитин министиэристибэтэ БКЭ уонна судаарыстыбаннай эксээмэн болдьохторун Роспотребнадзор этиилэрин учуоттаан туран барыллааһын оҥорбут. Ол курдук, миниистир э.т. Михаил Сивцев ОГЭ бэс ыйын 8 күнүгэр ыытыллыахтаах болдьоҕуттан көһөрүллэр. Санатар буоллахха, нуучча тылыгар уонна математикаҕа эксээмэн буолбат, бу предметтэргэ сыллааҕы сыаналарынан түмүк таһаараллар.
Оттон БКЭ ыытыллар болдьоҕо ыам ыйын 25 күнүгэр диэри чуолкайданар. БКЭ уонна ОГЭ болдьохторун РФ Бырабыыталыстыбата бигэргэтэр, Госдума нормативнай аах оҥорон таһаарар диэн Михаил Сивцев биэдэмэстибэ сайтыгар иһитиннэрбит.
- 0
- 0
- 0
- 0
- 0
- 0