Издательский дом Редакция Подписка
Погода в Якутске: . -30 oC
КУРС ЦБ: $ 71,53 | 82,83

Коронавирус пандемиятын кэмигэр ылыллыбыт харантыын хааччахтарын тохтоторго ыарыы тарҕаныытын коэффициена намыһах буолуохтаах диэн Ил Дархан Айсен Николаев бэс ыйын 23 күнүнээҕи брифинигэр бэлиэтээтэ.

Коронавирус пандемиятын кэмигэр ылыллыбыт харантыын хааччахтарын тохтоторго ыарыы тарҕаныытын коэффициена намыһах буолуохтаах диэн Ил Дархан Айсен Николаев бэс ыйын 23 күнүнээҕи брифинигэр бэлиэтээтэ.

Ол эрээри, ыарыы тарҕаныытын коэффициена намтаабат. Биир суукка иһигэр 75 киһи ыалдьыбыт, ол дьонтон 61 киһитэ киин куоракка, 14 – улуустарга. “Балаһыанньа уустук, ол эрээри бүгүҥҥү көрдөрүү бу нэдиэлэҕэ саамай намыһах”, -- диэтэ.

Кини улуустарга хааччахтааһын миэрэтэ тутуһуллубатыттан ыарыы тарҕанарын бэлиэтээтэ. Кэбээйи улууһугар Дьокуускайтан аймахтарыгар сынньана тиийбит оҕоттон икки дьиэ кэргэн, Уус Алдаҥҥа таксистар ирдэбили тутуспакка үлэлээбиттэриттэн түөрт киһи ыарыыга сутуллубуттар.

Айсен Николаев өрөспүүбүлүкэҕэ коронавирус ыарыытын анаалыстаан быһаарар тест туһунан иһитиннэрдэ. Кини бу үлэ үчүгэйдик ыытыллар буолан, дьон ыарыыга хаптаран баран олус баалаабакка, эрдэ эмтэнэллэр диэтэ. 1000 тахса киһи дьиэтигэр олорон эмтэнэр.

“Ыарыы тарҕаныытын коэффициенын 1 диэри түһэрдибит. Ол эрээри хааччахтааһыны тохтоторго бу коэффициент 0,8 көрдөрүүгэ диэри түһүөхтээх. Онон олохтоохтор санитарнай миэрэлэри тутуһаргытыгар ыҥырабын”, -- диэн Айсен Никоалев брифинигэр эттэ.  

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ