Балаҕан ыйын 30 күнүгэр Саха өрөспүүбүлүкэтин бырабыыталыстыбатын бэрэссэдээтэлин бастакы солбуйааччы Алексей Колодезников эмсэҕэлээбит тыа сирин олохтоохторугар көмөнү түргэнник оҥороллоругар министиэристибэлэргэ сорудахтаата. Ол туһунан Тыа хаһаайыстыбатын пресс-сулууспата иһитиннэрэр.
Бүгүҥҥү күннээҕи чахчыларынан, 8 улууска уопсайа 2170 туонна от ойуур баһаарын уотугар былдьаммыт. Тыа хаһаайыстыбатын миниистирин солбуйааччы Николай Афанасьев отторун уокка былдьаппыт улуус дьаһалталарыттан тустаах аактары кэтэһэрин иһитиннэрдэ. Бу көмөҕө барыллаан 10 мөл. солк. өрөспүүбүлүкэ бүддьүөтүттэн көрүллүбүт.
- 0
- 0
- 0
- 0
- 0
- 0