Саха Өрөспүүбүлүкэтин Тутууну уонна дьиэни-уоту хонтуруоллуур судаарыстыбаннай управлениетын салайааччытын бастакы солбуйааччы Влад Михайлович Пермяков хоруйдуур:

--Дьиэҕэр 5 толору күн олорботох буоллаххына, коммунальнай өҥө иһин төлөбүргүн кыччатан аахтарыаххын сөп.

         Онуоха сүрүн ирдэбил – кыбартыыраҕытыгар эбэтэр уопсай дьиэҕитигэр тиэхиньиичэскэй биричиинэнэн ааҕар тэрил (счетчик) сатаан турбатын туоһулуур аахта баар буолуохтаах.

Туох төлөбүрүн кыччатан аахтарыахха сөбүй? Тымныы уонна сылаас уу, бөҕү тиэйии, уот, гаас (дьиэни ититии киирбэт, астанарга эрэ туһанар буоллаххына), ууну ыытыы.  

Сайабылыанньаҕытын дьиэҕитигэр кэлээт да, 30 хонук иһигэр УК-ҕа биэрэ охсуохтааххыт. Суоххутун туоһулуур докумуоҥҥутун (авиабилиэт, командировочнай лиис, путевка, балыыһаттан ыспараапка, даачаҕа олорбуккутун дакаастыыр сурук), итиэннэ тиэхиньиичэскэй төрүөтүнэн счетчик сатаан турбатын бэрэбиэркэлээбит аахталарын куоппуйаларын сайабылыанньаҕытыгар сыһыараҕыт. “Перерасчет” үлэ 5 күнүн иһигэр оҥоһуллуохтаах.

Дьиэни ититиигэ ороскуоттанар гааска эбэтэр уокка, хапытаалынай өрөмүөҥҥэ, уопсай дьиэни көрүү-харайыы өҥөтүгэр чэпчэтии оҥоһуллубат.