Издательский дом Редакция Подписка
Погода в Якутске: . 3 oC
КУРС ЦБ: $ 73,96 | 86,68

Биһиги уопсай дьиэбитигэр быйыл хапытаалынай өрөмүөн оҥоһуллубута. Онтукалара холтуура баҕайы. Кырыыһатын тимир лииһинэн саайбыттара -- сорохторо тыалга көтүллэн сууллубута. Подъезд алдьаммыт эркинин сыбаабыттара -- онон-манан тууллан түспүт. Омуннаан эттэххэ, сүүрбэччэ сылга биирдэ буолар күүттэриилээх өрөмүөммүт маннык мөлтөх хаачыстыбалааҕыттан хомойобут. Ханна эмэ үҥсэн, хаттаан оҥорторуохпутун сөп дуо?

Дмитриевтэр.

Биһиги уопсай дьиэбитигэр быйыл хапытаалынай өрөмүөн оҥоһуллубута. Онтукалара холтуура баҕайы. Кырыыһатын тимир лииһинэн саайбыттара -- сорохторо тыалга көтүллэн сууллубута. Подъезд алдьаммыт эркинин сыбаабыттара -- онон-манан тууллан түспүт. Омуннаан эттэххэ, сүүрбэччэ сылга биирдэ буолар күүттэриилээх өрөмүөммүт маннык мөлтөх хаачыстыбалааҕыттан хомойобут. Ханна эмэ үҥсэн, хаттаан оҥорторуохпутун сөп дуо?

Дмитриевтэр.

Саха Өрөспүүбүлүкэтин Тутууну уонна дьиэни-уоту кэтээһиҥҥэ судаарыстыбаннай управлениетын салайааччыта Павел Аргунов хоруйдуур:

--Өскөтүн эһиги өрөмүөҥҥүтүн эрэгийиэннээҕи оператор оҥорторбут буоллаҕына, ол аата СӨ Хапытаалынай өрөмүөҥҥэ пуондата эппиэтинэстээх. РФ Дьиэҕэ-уокка кодексын 180-с ыстатыйатынан, бу түбэлтэҕэ пуонда тиэхиньиичэскэй сакаасчыт буолар. Бэдэрээтчиктэрин үчүгэйдик сүүмэрдээн талыахтаах уонна үлэ хаамыытын кытаанахтык хонтуруоллуохтаах этэ. Оҥоһуллубут үлэни хамыыһыйа туппутун кэннэ, эрэгийиэннээҕи оператор 5 сыл устата бэйэтин көрүүтүгэр-истиитигэр бу өрөмүөннэммит эбийиэги ылар. Туох эмэ алдьаннаҕына, бэйэтин үптэринэн тута оҥорон иһиэхтээх.

1 холтуура


Олохтоохтор салайар хампаанньаны (УК) биитэр дьиэни бас билээччилэр табаарыстыбаларын (ТСЖ) кытта сүбэлэһэн баран, пуондаттан туспа анал счет арыйан, онно хапытаалынай өрөмүөн харчытын ыытан испит уонна ол үбүнэн оҥорторбут буоллахтарына, оччотугар эппиэтинэһи барытын УК (ТСЖ, ЖК) бэйэтэ сүгэр.
Онон билигин эһиги бастаан өрөмүөнү ким ыыппытын билиҥ, онтон биитэр СӨ Хапытаалынай өрөмүөҥҥэ пуондатыгар, биитэр бэйэҕит салайар хампаанньаҕытыгар сайабылыанньата суруйуҥ. Сайабылыанньа көҥүл киэбинэн суруллар. Кылаабынайа, ааккыт, аадырыскыт, сакаасчыккыт, үлэни оҥорооччулар дааннайдара, күнэ-дьыла, суумата чопчу ыйыллыахтаах, итиэннэ туох итэҕэс-быһаҕас баарын сиһилии быһаарыахтааххыт. Маныаха алдьаныылары түһэрбит хаартыскаларгыт, тутулуга суох экспертиза түмүгэ, өрөмүөнү оҥорбут тэрилтэ көрдөһүүгүтүгэр ыыппыт суругунан хардата, эбии туоһу курдук, сайабылыанньаҕытыгар сыһыарыллара ордук.

Хапытаалынай өрөмүөн пуондата эбэтэр УК ити үҥсүүгүтүгэр туох да миэринэ ылбатаҕына, сайабылыанньаҕытын биһиги тэрилтэбит (Управление государственного строительного и жилищного надзора РС(Я)) аатыгар биэрээриҥ. Уонна эһиги эрэ дьиэ кэргэҥҥит буолбакка, элбэх кыбартыыралаах дьиэ бары олохтоохторо илии баттыыллара өссө ордук буолуо этэ.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ