Издательский дом Редакция Подписка
Погода в Якутске: . 26 oC
КУРС ЦБ: $ 72,86 | 88,65

Халлаан сылыйан, биһиги сорох батарыайаларбытын арааран турабыт. Ол эрээри итии иһин хомунаалынай төлөбүрбүт кыччаабат. Оннооҕор сайынын оннук.  Ити хайдах ааҕалларый, уопсайынан? Санаабар, балыйтара, ночоотура сылдьар курдукпут.

                                                                                              Иванна.

Халлаан сылыйан, биһиги сорох батарыайаларбытын арааран турабыт. Ол эрээри итии иһин хомунаалынай төлөбүрбүт кыччаабат. Оннооҕор сайынын оннук.  Ити хайдах ааҕалларый, уопсайынан? Санаабар, балыйтара, ночоотура сылдьар курдукпут.

                                                                                              Иванна.

 Саха Өрөспүүбүлүкэтин Тутууну уонна дьиэни-уоту кэтээһиҥҥэ судаарыстыбаннай управлениетын салайааччыта Павел Аргунов хоруйдуур:

--Эн олорор элбэх кыбартыыралаах дьиэҕэр сылаас эниэргийэ ороскуотун ааҕар анал тэрил туруоруллубатах буоллаҕына, дьиэни итиинэн хааччыйыы иһин бигэргэммит нормативынан, тарыыбынан, дьиэҥ иэнинэн көрөн төлөттөрөллөр. Ол суума сылга биирдэ эрэ уларыйар – от ыйын 1 күнүгэр олохтонор тарыыптан.

Без названия 41

Аны туран, учуоттуур тэрил дьиэҕэ баар эрээри, кыбартыыраларга суох буоллаҕына, оттуллубут кэм ороскуотун 12 ыйга түҥэтэн, тэҥ өлүүнэн төлөттөрөллөр. Арай Жатай эрэ олохтоохторо, СӨ Бырабыыталыстыбатын  2016 сыл балаҕан ыйын 26 күнүнээҕи 337-с №-дээх уурааҕынан, оттуллар эрэ кэмҥэ ититии иһин төлүүллэр. Тоҕо диэтэххэ, онно нэһилиэк барыта кэриэтэ-- “энергетически эффективные дома”. Холобура, биһиги дьиэлэрбит сылаастара вентиляциянан курдат тахса турар эбит буоллаҕына, Жатай дьиэлэригэр сылаас тахсан иһэн, киирэр салгыны утары сылытан ааһар. Аны түннүктэрин таастарын быыһыгар аргон баар. Бу инертнэй гаас сылааһы үчүгэйдик тутар. Итии уулара күн уотунан итийэр

Дьиэҕит биир эмэ ыала сылаас эниэргийэни учуоттуур тэрили туруорбут буоллаҕына, ол кыбартыыра көрдөрүүтүн уопсай учуотчуктан көҕүрэтэн баран, онтон хаалбытын үллэстэн төлүүгүт.

Эргэриитэ-кээһиниитэ 70 бырыһыантан үөһэ хаарбах дьиэлэргэ оннук учуоттуур тэрил туруоруллубат.

Уопсай учуотчуккут ититии эниэргийэтин хайдах ааҕа турарын көрүөххүтүн, бэйэҕит бэрэбиэркэлиэххитин баҕарар буоллаххытына, УК-ҕытыгар эбэтэр ТСЖ-гытыгар сайабылыанньа суруйаҕыт. Үлэ 3 күнүн иһигэр кинилэр  информацияны биэрэр эбээһинэстээхтэр.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ