Гамалея аатынан киин директора Александр Гинцбург «Российская газета» интервьюга, маассабай вакцинацията суох коронавируһу кыайар кыаллыбатын этиннэ уонна нэһилиэнньэ 70-75% быһыыны ылыахтааҕын бэлиэтээтэ. - «Сокуон барылын сүрүн соруга - судаарыстыба бүддьүөтүттэн коронавирус дьаҥын утары вакцинация үбүлээһинин мэхэньиисимин тобуларга туһуланар. Биллэн турар, бу ковид утары вакцина национальнай таһымнаах быһыы халандаарыгар булгуччу киириэхтээх. Оттон вакцинация нэһилиэнньэҕэ күһэйиитэ суох булгуччулаах буолуохтаах», - диэн Гинцбург тоһоҕолоон ирдэһэр. Манна РФ Бэрэсидьиэнин пресс-сэкиритээрэ Дмитрий Песков туоһулуурунан, федеральнай таһымҥа бу этии туһунан туох да быһаарыы ылылла илик.
Ити кэмҥэ дойду Бэрэсидьиэнэ Владимир Путин Бырабыыталыстыбаны кытта сүбэ мунньаҕар РФ вице-премьерэ Татьяна Голикова нэһилиэнньэҕэ булгуччулаах вакцинацияны киллэрии кыаллыан сөптөөҕүн туһунан сүбэлээтэ.
Маны таһынан Федерация Сэбиэтин Конституционнай сокуону оҥорууга сис кэмитиэтин бэрэссэдээтэлэ Андрей Клишас Гинцбург этиитин ырытарыгар, Төрүт сокуон балаһыанньаларын утарбатыгар болҕомтотун уурда. Ол эрэн, көҕүлээһини олоххо киллэрэргэ туһааннаах федеральнай сокуон ылылыннаҕына эрэ кыалларын ыйда. Санаттахха, эрдэтинэ маннык сокуон барылын оҥорууга РФ Бэрэсидьиэнин иһинэн гражданскай уопсастыбаны уонна киһи быраабын сайыннарыыга Сэбиэтин баһылыга Валерий Фадеев тыл көтөхпүтэ. Онуоха, дойду Бэрэсидьиэнэ Владимир Путин коронавирустан утары вакцинацияны булгуччулаах оҥорор табыллыбатын ыйбыта.
Экспердэр сыанабылларынан, Андрей Клишас сайабылыанньата Арассыыйаҕа булгуччулаах вакцинацияны киллэриини чугаһаппытын туоһулуур. Билигин кинилэр маннык көҕүлээһин уопсастыбаҕа олоххо киириэн сөптөөҕүн ыйдылар. «Уочаракка - туһааннаах сокуон барылын оҥоруу саҕаланыа», - дииллэр.
- 0
- 0
- 0
- 0
- 0
- 0