Бүгүн Красноярскайга саҕаланар турнирга Арассыыйаттан уопсайа 400 эдэр тустуук киирсиэҕэ. Иван Ярыгын аатынан успуорт дыбарыаһын бүгүҥҥү көбүөрүгэр 35,38,44,52,62,75 уонна 100 киилэҕэ тустааччылар тахсыахтара. Бу күн ону кытта бу ыйааһыннарга финал киирсиилэрэ буолуохтара.
Ыам ыйын 3 күнүгэр 41,48,57,68 уонна 85 киилэлээхтэр тустуохтара. Бу ыйааһыннарга кыайыылаахтары ыам ыйын 4 күнүгэр билиэхпит, ону кытта турнир сабыллыыта эмиэ бу күн буолуоҕа.
Бу турнир тустууктарга бастакы улахан суолталаах бэлиэ күрэҕинэн буолар. Тириэньэрдэр ыстааптара Саха Сирин сүүмэрдэммит хамаандатын сатаабын бигэргэппитэ. Онно 12 ыйааһыҥҥа 20-тэн тахса спортсмен киирдэ. Кинилэртэн үгүстэригэр арассыыйатааҕы таһымҥа маҥнайгы киирсиилэрэ, бастакы сүрэхтэниилэрэ уонна уопут ылыылара буолуоҕа.
Ону тэҥэ Арассыыйаҕа бастыыр иһин турнир сотору ыытллыахтаах Европаҕа бастыыр иһин күрэххэ дойду сүүмэрдэммит хамаандатын састаабын таларга улахан оруолу ылар.
Саха Сирин хамаандатын састааба.
35 киилэ. Львов Ян, Находкин Айдын.
38 киилэ. Борисов Владимир.
41 киилэ. Ващенко Михаил, Петров Айаал, Протопопов Мирон, Яковлев Артур.
44 киилэ. Лаптев Вячеслав, Макеев Андрей, Новиков Артем, Платонов Николай.
48 киилэ. Афанасьев Власий.
52 киилэ. Васильев Данил, Васильев Уйусхаан.
57 киилэ. Сивцев Данил, Слепцов Владимир.
62 киилэ. Федоров Саян.
68 киилэ. Максимов Эйнар, Постников Роман, Протопопов Ахиллес.
75 киилэ. Николаев Андрей.
85 киилэ. Моторин Константин, Петров Эрсан.
100 киилэ. Михайлов Айдар, Николаев Юрий, Тихонов Иван.
Уалаттарбытыгар бастакы улахан түһүлгэлэринэн эҕэрдэлиибит уонна бу күрэххэ ситиһиилэри, кыайыылары баҕарабыт!
Хаартыска: Дьулурҕан
-
1
-
0
-
0
-
0
-
0
-
0
