Оттон Аан дойду дуобакка чемпионатыгар Саха сириттэн сылдьар эдэр дьон алта мэтээли ылбыттар. Алтынньы 14 күнүттэн 24 күнүгэр диэри Турцияҕа Кушадасы куоракка Аан дойду дуобакка чемпионата буолбут. Күрэхтэһии үс бырагырааманан ыытыллыбыт: кыл түгэнник, түргэнник уонна классическайдык оонньооһуҥҥа. Чемпионатка 8 дойдуттан спортсменнар кыттыбыттарын туһунан СӨ физическай култуураҕа уонна спортка министиэристибэ пресс-сулууспата иһитиннэрэр. Саха сириттэн Арассыыйа сүүмэрдэммит хамаандатыгар Гаврил Колесов, Николай Стручков, Андрей Федотов, Николай Гуляев, Николай Гермогенов, Матрена Ноговицына, Наталья Шестакова, Ньургуйаана Азарова, Анна Чупрова киирбиттэр. Кыл түгэн оонньуу бырагырааматыгар Николай Стручков 2-с миэстэҕэ, Николай Гуляев 3-с миэстэҕэ тиксибиттэр. Түргэнник оонньооһун бырагырааматынан күрэххэ Матрена Ноговицына 1 миэстэни, Наталья Шестакова 2-с миэстэни, Николай Гуляев 3-с миэстэни ылбыттар.
Классическай бырагыраама нуучча шашкатын көрүҥүнэн ыытыллыбыт. Дьахталларга түмүк оонньууга Наталья Шестакова киирбит. Эр дьоҥҥо түмүк оонньууга Николай Гуляев, Андрей Федотов киирбиттэр уонна Андрей Федотов 1-кы миэстэни ылбыт, кини икки төгүллээх чемпион аатын ылла!
-
0
-
0
-
0
-
0
-
0
-
0
