Издательский дом Редакция Подписка
Погода в Якутске: . -12 oC

Дьокуускай куоракка Ох саанан ытыыга өрөспүүбүлүкэтээҕи күрэхтэһии буолан ааста. Күрэххэ Чурапчыттан сылдьар спортсменнар үрдүк ситиһиилэннилэр.

Дьокуускай куоракка Ох саанан ытыыга өрөспүүбүлүкэтээҕи күрэхтэһии буолан ааста. Күрэххэ Чурапчыттан сылдьар спортсменнар үрдүк ситиһиилэннилэр.

Чурапчыттан сылдьар ох саанан ытааччылар хамаанданан уонна биирдиилээн күрэхтэһиилэргэ бастакы миэстэлэри ыллылар. Бастыҥ рекорду күрэхтэһии үс төгүллээх чөмпүйүөнүнэн буолбут Асим Павлов олохтоото.

Күрэхтэһии тохсунньу 12-16 күннэригэр ыытылынна. Өрөспүүбүлүкэ 20 улууһуттан 144 спортсмен кытынна. Саха ох саатынан ытыыга бэтэрээннэргэ бастакы миэстэни эр дьоҥҥо Николай Васильев, дьахталларга – Эльвира Ефимова ыллылар. Хамаанданан күрэхтэһиигэ Чурапчы улууһун сүүмэрдэммит хаманаадатыгар эр дьон хамаандата көмүс мэтээли аҕалбыт, өссө биир көмүс мэтээли Асим Павлов уонна Жанна Кириллина ситистилэр. Биирдиилээн күрэхтэһиигэ Асим Павлов бастакы миэстэҕэ тигистэ.

“Оҕунан ытыыга Чурапчы оскуолата өссө 70- сылларга биллэрэ, биһиги спортсменнарбыт өрөспүүбүлүкэҕэ бастыҥнарынан буолаллара. 2000-с сылларга бу үгэс салҕаммыта. Оҕунан ытыыга улуустааҕы федерациялаахпыт. Чурапчыга баар спорткомплекска оскуола оҕолоругар уонна улахан дьоҥҥо секциялар үлэлииллэр. Ол курдук, оҕунан ытыыга араас улуус оҕолоро үөрэнэллэр. Улуус дьаһалтата улахан өйөбүл буолар бу спорт көрүҥүн сайыннарарга”, -- диэн Чурапчы улууһун сүүмэрдэммит хамаандатын тренера Михаил Филатов эппит.

Сотору кэминэн Чурапчы улууһун спортсменнара улахан күрэхтэһиилэргэ кыттарга былаанныыллар – тохсунньу 22 күнүгэр Орел куоракка буолар Арассыыйа кубогар уонна чемпионатыгар.  

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением