Онон бөҕөстөрбүтүгэр эппиэттээх, тыҥааһыннаах күннэр саҕаланнылар. Улахан түһүлгэҕэ тахсар түөрэхтэрэ манна түһүөҕэ. Саха сирин хамаандата бырааттыы Бүрээтийэ көбүөрүгэр 38 тустуугу туруорда. Кинилэр ортолоругар норуоттар икки ардыларынааҕы кылаастаах түөрт уонна Арассыыйа спордун аҕыс маастардара бааллар. Александр Оконешников сүрүн тириэньэрдээх уонна 92 киилэҕэ диэри тустар Ньургун Сергин саҥа хапытааннаах саха хамаандата ситиһиилээхтик кыттыа диэн эрэнэ күүтэбит. Кинилэри кытта Хаджимурат Гацалов бииргэ көтөн тиийбитэ. Онон Саха сирин бөҕөстөрүгэр быйылгыттан консультант-тириэньэринэн анаммыт Олимпиада чөмпүйүөнэ эппиэттээх көбүөргэ аны тириэньэр быһыытынан сүрэхтэниитин ааһыаҕа.
Саха бөҕөстөрүн сүрүн утарсааччылара, биллэн турар, бүрээттэр. Дьиэлээхтэргэ эркиннэрэ көмөлөһүө дуо? Саха Өрөспүүбүлүкэтин сүүмэрдэммит хамаандатын аатыттан тустуохтара:
57 киилэҕэ диэри: Алексей КОПЫЛОВ, Петр КОПЫЛОВ, Дьулустаан ФЕДОТОВ, Дмитрий ИЛЛАРИОНОВ, Айсиэн ВИНОКУРОВ, Федор ПОСТНИКОВ, Уйгулаан ИВАНОВ, Егор ВЕНЗЕЛЬ;
61 киилэҕэ диэри: Семен ВЛАДИМИРОВ, Ньургун АЛЕКСАНДРОВ, Петр ГОГОЛЕВ, Быйаман ЯКОВЛЕВ, Ньургун ТЕРЕНТЬЕВ;
65 киилэҕэ диэри: Кирилл ПАВЛОВ, Айхаан АНТОНОВ, Петр ПАВЛОВ, Петр ПАРНИКОВ, Айсен ПОТАПОВ, Константин КАПРЫНОВ;
70 киилэҕэ диэри: Виктор РАССАДИН, Егор ЗАХАРОВ, Албан АВВАКУМОВ, Владимир ЮМШАНОВ, Николай СИВЦЕВ;
74 киилэҕэ диэри: Тимур НИКОЛАЕВ, Константин ВЛАСОВ, Павел ЯКОВЛЕВ;
79 киилэҕэ диэри: Герман УСТИНОВ, Стив ПОПОВ;
86 киилэҕэ диэри: Никита СОФРОНОВ, Алексей ЕФИМОВ, Айсен КОПЫРИН;
92 киилэҕэ диэри: Ньургун СЕРГИН (хапытаан), Александр ХАЛЫЕВ;
97 киилэҕэ диэри: Кузьма СИВЦЕВ, Харысхан НИКОЛАЕВ, Андрей АРОНОВ;
125 киилэҕэ диэри: Никита ХАБАРОВ.
Бүгүн, олунньу 12 күнүгэр, 11 чаастан 16 чааска диэри барыллааһын хапсыһыы эр дьоҥҥо 57, 86, 125 киилэлэргэ диэри уонна дьахталларга 50, 55, 59 киилэлэргэ диэри ыытыллар. 13 чаастан күрэхтэһиини үөрүүлээхтик арыйыахтара. Онтон 17-18 чааска финал аҥаарыгар, 18 чаастан финалга көрсүһүүлэр буолуохтара.
- 0
- 0
- 0
- 0
- 0
- 0