Хамсанар киһи уһуннук олорор
Издательский дом Редакция Подписка
Погода в Якутске: . 11 oC

Киһи доруобай эрэ буоллаҕына сүүрэр-көтөр, күлэр-үөрэр, үлэлиир-хамсыыр, айар-тутар.

Киһи доруобай эрэ буоллаҕына сүүрэр-көтөр, күлэр-үөрэр, үлэлиир-хамсыыр, айар-тутар.

2 34

Доруобуйаҥ бэйэҕиттэн тутулуктаах. Төһө да чэгиэн киһи бэйэтин көрүммэт, бириэмэтигэр туран-олорон, сөптөөхтүк аһаан-сиэн сылдьыбат, итиэннэ куһаҕан дьаллыктаах буоллаҕына, онно эбии тымныйан, онтон сыыстаран, кылгас үйэлэниэн сөп.

Күчүмэҕэй күннэр кыһарыйар түгэннэригэр, ханнык баҕарар киһи тыыннаах ордон хаалар туһуттан ааспыты анааран көрөр, ытык кырдьаҕастарбыт кистэлэҥнэрин кичэйэн чинчийэр, өбүгэлэрин өйүн-санаатын бэйэтигэр уһугуннарарга дьулуһар.

Билиҥҥи кыһалҕалаах хамсык кэмигэр тулалыыр айылҕа биэрэр эмтээх үүнээйилэрин туһанарга үгүс киһи холонон эрэр. Онуоха биһиги ийэлэрбит, эбэлэрбит эмтээх оттон чэй арааһын, эмп оҥорон, норуот мэдиссиинэтигэр ыччаты уһуйаллар

4 20

Киэн тутта ааттыыбын Хаҥалас улууһун I Дьөппөн нэһилиэгин эмтээх оттору хомуйан, кэнчээри ыччакка тарҕатар, эдэр хаһаайкаларга кэпсиир сүбэһиттэрбитин: Виктория Павловна Куприянованы, Матрена Васильевна Скрябинаны, Александра Дмитриевна Яковлеваны, Любовь Николаевна Скрябинаны уо.д.а. «Сарыал» култуура киинигэр «Эмтээх оттор туһалара» диэн тэрээһини бэрт сэргэхтик ыыппыттара. Онно кинилэр эмтээх үүнээйилэри хомуйуу, хатарыы, хаһааныы туһунан кэпсээбиттэрэ.

Эдэр эрээри, мындыр толкуйдаах эмчиппит, олоххо аныгылыы көрүүлээх бырааспыт Екатерина Анатольевна Яковлева «Кыым» хаһыакка «Киһи эмэ суох эмтэниэн сөп» диэн матырыйаала тахсыбыта. Онно кини бэйэтин билиитин-көрүүтүн үллэстибит этэ. Дьон ыарыыттан эрдэттэн харыстанарыгар анаан, Инстаграмҥа сүбэлиир  түс блогтаах эбит. Екатерина Анатольевна этэринэн, хас биирдии киһи эти-сиини эрчийэр бэйэтигэр сөптөөх дьарыктаах буолуохтаах эбит. Кини йоганан дьарыктаммыта үһүс сыла. “Йогаҕа киһи өйө-санаата арыллар,  толкуйа тобуллар, ис кыаҕа уһуктар, олоххо тардыһыыта күүһүрэр, бэйэҕин таптыыр, олоҕу атын хараххынан көрөр, сыаналыыр буолаҕын”, -- диэн быһаарар. Ыарыы ыллаҕына, киһи өйө-санаата тууйуллар, мэлдьи кыыһыра-кыйытта сылдьар буолан хаалар. Онон ыарыы төрдө мөкү, хараҥа, куһаҕан санаалар хам баттыылларыттан биир үксүн саҕаланар эбит. Наар үчүгэйи саныыр, этин-сиинин кытта кэпсэтэ, туругун кэтэнэ, хамсана-имсэнэ, айа-тута, үөрэ-көтө сылдьар киһи сэдэхтик ыалдьарын бырааспыт Екатерина Анатольевна бэлиэтиир.

сканди

Хаалыктаах хаамыыны көҕүлүүр дьон биһиэхэ эмиэ бааллар: 90 хаарын санныгар түһэрбит Николай Васильевич Ильин, 70 саастаах далбар хотуттар Анна Алексеевна Михайлова, Елизавета Николаевна Скрябина, Зоя Афанасьевна Федорова, Наталья Алексеевна Алексеева, Ольга Афанасьевна Тимофеева, 60 саастарын ааспыт Татьяна Васильевна Скрябина, Вера Михайловна Ильина, Любовь Петровна Яковлева, Ольга Спиридоновна Попова уо.д.а. Элбэх оҕолоох эдэр ийэлэр эмиэ “скандинавскайдыыллар”: Марина Владиславовна Дьячковская, Наталья Дмитриевна Яковлева, Светлана Алексеевна Егорова уо.д.а.

3 22

Ыччаппыт аҕам саастаах көлүөнэ үөрүйэҕин ылынара, үчүгэйдэрин үтүктэллэрэ үөрдэр. Көлүөнэ ситимэ диэн бу буоллаҕа эбээт. «Ханнык баҕарар киһи доруобуйата бэйэтиттэн эрэ тутулуктааҕын өйдөөн, элбэх хаамыҥ, чөл олоҕу тутуһуҥ» --  диэн ыҥырар ытык кырдьаҕаспыт Николай Васильевич Ильин.

Безымянный 20

Нэһилиэнньэ эдэр өттө киэһэ ахсын спорт саалатыгар мустан мээчиктиир, эрчиллэр. Түөлбэлэринэн сылын ахсын күөн көрсөллөр, улууска, өрөспүүбүлүкэҕэ көхтөөхтүк кытталлар.

Спорду оройуттан туппут Лада Семеновна Барашкова волейболга, мас тардыһыытыгар улуус сүүмэрдэммит хамаандатыгар баар, быйылгы Манчаары оонньууларыгар ситиһиилээхтик кыттыбыта.
1 69

Дьиэ кэргэнинэн спорду өрө туппут эдэр ыалларбытын билиһиннэрэбин: Татьяна уонна Сергей Протодьяконовтар, Надежда уонна Очиржап Очиржаповтар, Марина уона Сергей Лукиннар, Евдокия уонна Павел Михайловтар, Наталья уонна Артем Теплоуховтар уо.д.а. Кинилэр нэһилиэк чиэһин элбэх күрэхтэһиигэ көмүскээбиттэрэ.  

5 8  

Дьөппөммүт урут да, билигин да спорду доҕор гынан кэккэлэһэ хаамсар спортсменнарынан сураҕырар. Бу эйгэҕэ маастардарбыт:

Федоров Юрий Федорович – боксаҕа ССРС спордун маастара; 

Филиппов Иван Ионович – хайыһарга ССРС спордун маастара;

Алексеев Алексей Вячеславович --  национальнай атах оонньууларыгар СӨ спордун маастара;

Васильев Илья Афанасьевич -- оҕунан ытыыга ССРС спордун маастара;

Васильев Илья Васильевич – дуобакка ССРС спордун маастара;

Иванов Алексей Петрович – боксаҕа РФ спордун маастара;

Иванов Илья Петрович -- боксаҕа РФ спордун маастара;

Козловскай Валентин Валентинович – боксаҕа РФ спордун маастара;

Тимофеев Константин Владимирович – кик-боксиҥҥа аан дойду кылаастаах спорт маастара.

6 6

Чэгиэн эттээх-сииннээх, чөл өйдөөх-санаалаах эр бэртэрбитин өрүү тумус туттабыт.

Олохтоох дьаһалтабыт баһылыга Дмитрий Дмитриевич Варламов саҥаттан саҥа сүүрээннэри киллэрэр, билиҥҥи олох ирдэбилинэн бырайыактарынан үлэлэһэр, спорду олус өйүүр.

Чэбдигирии сыла биһиги нэһилиэкпитигэр бэрт тэрээһиннээхтик, түмсүүлээхтик ааһан эрэр. Ырыынак кэллэ, ыар олох ыкта диэбэккэ, ытыһы тоһуйан олорбокко, ыпсарыылаах өйбүтүнэн, ылыннарыылаах тылбытынан сүүрэн-көтөн тиргиллэн, кэлэн-баран элэстэнэн, кэскиллээх дьыалаҕа ылсан, киэҥ аартыкка, нэһилиэкпит сайдыытыгар түмсүүлээх буолуоҕуҥ!

Анастасия Мордовская,

уопсастыбаннай кэрэспэдьиэн,

Тиит Эбэ, Хаҥалас.

Хаартыскаларга:

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Бэлиитикэ

Боччумнаах кэпсэтиилэр

Ил Дархан Айсен Николаев Арассыыйа Федерациятын Бырабыыталыстыбатын Бэрэссэдээтэлэ Михаил…
17.08.22 09:04
Уопсастыба

Өрөмүөн саҕаланна...

Атырдьах ыйын ортотуттан саҥа үөрэх дьылыгар, сайыҥҥы уоппуска кэнниттэн үлэҕэ тахсарга…
17.08.22 08:33