Издательский дом Редакция Подписка
Погода в Якутске: . 15 oC

2023 сыл муус устар 21 күнүгэр Горнай улууһун олохтоох салайыныытын бэрэстэбиитэллээх уорганнарын муниципальнай сулууспалаахтарыгар, исписэлиистэригэр уонна дьокутааттарыгар аналлаах сэминээр буолла.

2023 сыл муус устар 21 күнүгэр Горнай улууһун олохтоох салайыныытын бэрэстэбиитэллээх уорганнарын муниципальнай сулууспалаахтарыгар, исписэлиистэригэр уонна дьокутааттарыгар аналлаах сэминээр буолла.

Тэрээһиҥҥэ Ил Түмэн судаарыстыбаннай тутулга уонна олохтоох салайыныыга сис кэмитиэтин бэрэссэдээтэлэ Владимир Прокопьев уонна Ил Түмэн наукаҕа, үөрэххэ, култуураҕа, сонуну киэҥник тарҕатар ситимнэргэ уонна уопсастыбаннай тэрилтэлэр дьыалаларыгар сис кэмитиэтин бэрэссэдээтэлэ Феодосия Габышева видео-конфернец-сибээс нөҥүө кыттыыны ыллылар.

Феодосия Габышева Саха Өрөспүүбүлүкэтигэр олохтоох салайыныы хайдах тэриллибитин туһунан кэпсээтэ.

Саха Өрөспүүбүлүкэтэ уонна Чечня Өрөспүүбүлүкэтэ олохтоох салайыныыга бүтэһик киирбиппит. Тоҕо диэтэххэ, сүрдээх уустук 90-с сылларга бэрэсидьиэн Михаил Николаев быһаарыытынан өрөспүүбүлүкэни туруктаах тутан хаалларар санааттан олохтоох салайыныыга көһүү буолбатаҕа. Онтон 2002 сылга Вячеслав Штыров кэлбитигэр олохтоох салайыныыга көспүппүт.

Сокуон өттүнэн балачча уустук кэмнэри ааспыппыт. Олохтох салайыныы элбэх боломуочуйаны ылыммыта. Уһук хоту сирин, ордук кытыы сытар нэһиликтэр олохтоох дьонун-сэргэтин чөл тутан хааларга үгүс үлэ ыытыллыбыта.

Владимир Прокопьев «Россия Федерациятыгар олохтоох бэйэни салайыныыны тэрийии уопсай бириинсиптэрин тустарынан» федеральнай сокуон барылын туһунан иһитиннэрдэ.

2020 сыллаахха Россия Конституциятыгар улахан уларыйыы киирбитэ. Ол түмүгэр аһаҕас былаас ситимэ диэн өйдөбүл баар буолбута. Онтон «Россия Федерациятын субъектарыгар аһаҕас былааһы тэрийии сүрүн төрүттэрин туһунан» 414 №-дээх федеральнай сокуон 2021 сыллаахха ылыллан турар. Бу сокуон субъектар боломуочуйаларын лаппа эбэн таһаарбыта уонна бу ситимҥэ эбии уларытыылары киллэрбитэ. Бу сокуон олоххо киирбитин кэнниттэн ааспыт сылга 131 №-дээх «Россия Федерациятыгар олохтоох бэйэни салайыныыны тэрийии уопсай бириинсиптэрин тустарынан» сокуон барыла бастакы ааҕыыга ылыллыбыта.

KVA 9665

414 №-дээх сокуон ылыллыбытын кэннэ өрөспүүбүлүкэбит Конституциятыгар уонна 20 тахса өрөспүүбүлүкэ сокуонугар уларытыылары, эбиилэри-көҕүрэтиилэри киллэрбиппит.

Федеральнай сокуон барылын кэнсиэпсийэтэ – олохтоох бэйэни салайыныы биир таһымнаах буолуута. Сүрүн биринсиптэрэ оннунан хааллылар. Ол курдук, бэрэстэбиитэллээх уорганнарга дьокутааттары талыы оннунан хаалар. Оттон олохтоох бэйэни салайыныы баһылыгын талыы сокуон барылыгар 3 барыйааннаах сылдьар:

- бэрэстэбиитэллээх уорган бэйэтин иһиттэн баһылыгы талар;

- нэһилиэнньэ быыбардыыр;

- субъект салайааччыта иккиттэн итэҕэһэ суох кандидатураны олохтоох бэйэни салайыныы бэрэстэбиитэллээх уорганын быһаарыытыгар биэриэхтээх.

Нэһилиэк таһымыгар территориальнай уорганнар баар буолуохтаахтар. Ону өрөспүүбүлүкэ таһымыгар бу территориальнай  уорган аата, салайааччыта ким диэн буолалларын, онно төһө үлэһит киирэрин туһунан быһаарыы ылыныахтаахпыт. Биһиги үгүс этиилэрбит бу сокуон барылыгар Госдуманан ылыллар туруктаахтар.

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Ньурбалар - Аммаҕа

Бүгүн, бэс ыйын 21 күнүгэр, Аммаҕа Олоҥхо ыһыаҕын иккис күнэ күөрэйэн таҕыста. 
21.06.24 10:49
Закон и жизнь

Повысят военные пенсии

С 1 октября 2024 года пенсии военным пенсионерам повысят на 5,1 процента. Соответствующий…
21.06.24 09:44