Анал байыаннай эппэрээссийэ дойдубут уонна Донбасс олохтоохторугар куттал суох буолуутун олохтуур сыаллаах саҕаламмыттарын норуот дьокутаата эттэ.
– АХШ кэлиҥҥи провокациялыыр дьайыыта аан дойду уопсастыбаннаһыгар киэҥ хабааннаах байыаннай дьайыыларга тиэрдиэн сөбүттэн долгутууну аҕалла. Бу өссө биирдэ арҕааҥҥы дойдулар инникиттэн сорох дойдуларга араас миэрэлэри бэлэмнээбиттэрин дакаастыыр, кинилэргэ Арассыыйа сүрүн сыал буолар. Биһиги Бэрэсидьиэммит кэмигэр кыраныыссаларбытын харыстыырга сөптөөх миэрэлэри ылыммыта, оттон билигин биһиги байыастарбыт аан дойдутааҕы агрессортан дойдубутун харыстыырга туруннулар. Биһиги дойдубут кинилэр бэриниилээх үлэлэриттэн куттала суохтук олорор, — диэтэ кини.
Норуот дьокутаата бэлиэтээбитинэн, доҕордуута суох дойдулар араастаан кимэн киирэ сатаабыттарын үрдүнэн, Арассыыйа тулуйда, кыаҕырда.
– Арассыыйа утары киирбит киэҥ далааһыннаах экэнэмиичэскэй сааҥсыйалар баҕарбыт сыалларыгар тиийбэтилэр, билиҥҥи түгэҥҥэ туох даҕаны туһата суохтарын көрдөрдүлэр. Кинилэр сүрүн сыаллара – экэниэмикэни халбаҥнатан, былааһы самнарыы этэ. Бу сыалларын ситиспэтилэр. Маны таһынан, сааҥсыйалары киллэрбит дойдуларга дьайдылар. Биһиги бэйэбит дойдубут салайааччытын аан дойдутааҕы агрессор утары охсуһууга өйүүбүт, -- диэтэ Сахамин Афанасьев.
-
0
-
0
-
0
-
0
-
0
-
0
