Эппиэтинэһи бырамыысаланнаc тэрилтэтэ бэйэтэ сүгүөҕэ
Издательский дом Редакция Подписка
Погода в Якутске: . -0 oC

Быйыл тохсунньуга Бэрэсидьиэн Владимир Путин 446 №-дээх федеральнай сокуоҥҥа илии баттаабыта.

Быйыл тохсунньуга Бэрэсидьиэн Владимир Путин 446 №-дээх федеральнай сокуоҥҥа илии баттаабыта.

Саҥа сокуоҥҥа олоҕуран, бырамыысыланнас тэрилтэтэ тулалыыр эйгэҕэ таһаарбыт содулун бэйэтэ туоратыахтаах, онуоха эппиэтинэс салайааччыларга сүктэриллэр. Маны таһынан экологияҕа сыһыаннаах төлөбүрдэри (административнай быраабы кэһиигэ ыстарааптары, экологияҕа куһаҕан дьайыы иһин төлөбүрдэри) сыанабылга ыытыахтара. Тулалыыр эйгэҕэ куһаҕаннык дьайар эбийиэктэр суох оҥоһуллуохтарын сөп. Ону быһаарыыга эмсэҕэлээбит эрэгийиэн кыттар буолуоҕа.

Бүгүҥҥү туругунан Арассыыйа Федерациятын Бырабыыталыстыбата айылҕаны харыстыырга анаммыт бырайыактарга көрүллэр үп саппааһын быһаарыыны түмүктээтэ. Эрэгийиэннэр бу үбү ханна ыыталлара билиннэ, манна сыһыаннаах кэккэ дьаһаллар таҕыстылар. Эрэгийиэн бүддьүөтүгэр киирбит экологическай төлөбүрдэр (ыстарааптар эмиэ киирэллэр), бастатан туран, эбийиэктэри суох оҥорорго (ликвидациялыырга) ананыахтара. Холобур, улахан сыбаалкалары, быраҕыллыбыт бырамыысыланнас тэрилтэлэрин, туһата суох полигоннары о.д.а.

«Арассыыйа Федерациятын субъегар тулалыыр эйгэни харыстыыр туһунан” федеральнай сокуон 165-с ыстатыйатын бастакы пуунугар, 75-с ыстатыйатын бастакы пуунугар, 78-с ыстатыйатын бастакы пуунугар ыйыллыбыт дьаһаллар былааннарын ырытан оҥоруу уонна сөпсөһүү бэрээдэгин туһунан» саҥа сокуоҥҥа Ил Түмэн Сир сыһыаннаһыытыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ Сахамин Афанасьев санаатын маннык этэр:

Бу сокуоҥҥа олоҕуран ойуурдары харыстыырга, ойуур питомниктарын тутарга, көҕөрдүүгэ, туһаттан тахсыбыт сирдэри ликвидациялыырга эбии үп көрүллүөҕэ. Салгын, сир киртийиитин намыратар сыаллаах бырайыактар эбии үбүлэнэллэрин ситиһиэҕэ.

Саҥа сокуон балаҕан ыйын 1 күнүттэн олоххо киириэҕэ.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Политика

Махтанарын үөрэ истибитим

Быыбардар буолан аастылар. Астыммыт уонна астымматах, сөхпүт, соһуйбут да баар. Владимир…
26.09.22 13:05