РФ Минпромун матырыйаалларыгар этиллэринэн, кроссовер бензин турбодвигателлээх, CVT автоматическай трансмиссиялаах уонна алта сүһүөхтээх мэхэньиичэскэй коробкалаах. РФ Бырамыысыланнаска уонна атыыга-эргиэҥҥэ миниистирэ Денис Мантуров этэринэн, бэйэбит платформабытыгар электрическэй массыыналары оҥорон таһаарыы сыыйа үрдээн иһиэҕэ.
"2022 сылтан "Москвич-3" уонна электромассыыналары оҥоруу саҕаланна. Чугастааҕы кэмҥэ сүрүн сорукпут - сыл бүтүөр диэри бэйэ поставщиктары кытта үлэлэһии. Салгыы 2025 сылтан былааннаммыт электромассыыналары оҥоруу платформаны холбооһун", - диэтэ кини.
"Москвич" технологическай партнерунан алта сылга хампаанньа стратегиятын оҥорор "Камаз" буолла. Билигин собуокка массыыналары таҥыы эрэ оҥоһуллар. Инники этиллибитин курдук, сыл бүтүөр диэри собуокка 600 массыына (400 массыына электрическэй) хомуллан атыыга тахсыаҕа. 2024 сылтан бөдөҥ хомууру кытта бытархай хомуур саҕаланыаҕа.
Саҥа "Москвич-3" сыаната быһа холоон 1 мөл. 900 тыһ. солк.
- 0
- 0
- 0
- 0
- 0
- 2