Издательский дом Редакция Подписка
Погода в Якутске: . -5 oC

Ааспыт 2022 сыл Горнай улууһугар аныгылыы тииптээх ытар тир үөрүүлээх быһыыга-майгыга аhыллыбыта. Тир хайдах-туох үлэлии туран билээри бара сылдьан, өрөспүүбүлүкэтээҕи Олимпийскай эрэллэри бэлэмниир спортивнай оскуола салайааччытын Роман Романович Пахомовы кытары көрсөн кэпсэттим.

Ааспыт 2022 сыл Горнай улууһугар аныгылыы тииптээх ытар тир үөрүүлээх быһыыга-майгыга аhыллыбыта. Тир хайдах-туох үлэлии туран билээри бара сылдьан, өрөспүүбүлүкэтээҕи Олимпийскай эрэллэри бэлэмниир спортивнай оскуола салайааччытын Роман Романович Пахомовы кытары көрсөн кэпсэттим.

- Биһиги оскуолабыт үс олимпийскай көрүҥнэргэ — оҕунан ытыыга, буулдьанан ытыыга уонна көҥүл тустууга эрчийэр, үөрэтэр хайысхалаах СӨ физическэй култууратын уонна успуорка министиэристибэтин биэдэмистэбэннэй тэрилтэтэ буолар. Тэрилтэбит сүрүн соругунан бу ааттаммыт үс успуорт көрүҥнэригэр өрөспүүбүлүкэ сүүмэрдэммит хамаандатыгар киирэр эдэр спортсменнары эт-хаан өттүнэн сайыннарыы, бэлэмнээһин, маастарыстыбаларын үрдэтии буолар.

Оскуолабыт Эдьигээн улууhугар көҥүл тустууга, Томпо, Нам улуустарыгар буулдьанан ытыыга уонна Дьокуускайга буулдьанан, ох саанан ытыыга отделениелардаах.

b5d442ab 1f25 4425 8468 fa47b1512050 copy

Тренердэрбит бары үрдүк анал физкультурнай үөрэхтээхтэр. Үгүстэрэ ааспыт кэмнэргэ бэйэлэрэ успуорка үрдүк көрдөрүүлээх спортсменнар буолаллар. 2013 с. спортивнай оскуолабыт 12 РФ успуордун маастарын, 25 успуорка маастарга хандьыдааттары иитэн-үөрэтэн таһаарда. Бу эмиэ үчүгэй көрдөрүү диэн сыаналыыбын, - диэн Роман Романович сэһэргиир.

Бу сиргэ туох да эмискэ баар буолан хаалбат. Син биир бастаан хаһан, хантан эрэ көнтөрүк, бастакы үктэллэр оҥоһуллан, кэлин чиҥ, эрэллээх хардыыга кубулуйаллар. Бэрдьигэстээхтээҕи спортивнай оскуола бастакы оҥкула эмиэ оннук олохтоммута.

42cf2b6a 81ca 403e be5b ef2eece9e7d7 copy copy

Аҕа дойду сэриитин кэмигэр Горнай оройуонуттан хорсуннук сэриилэспит, элбэх өстөөҕү куоһарбыт снайпердар, 1967 с. буулдьа саанан "Бегущий олень" сыалы ытыыга 400 очукуоттан 399-һун табан РСФСР рекордун олохтообут Лукин Николай, көҥүл тустууга Сиднейга уонна Афиныга ыытыллыбыт Олимпийскай оонньуулар кыттыылаахтара, аан дойду чемпиона Герман Контоев, ох саанан ытыыга 2012 с. Лондоннааҕы Олимпиада кыттыылааҕа Кристина Тимофеева бу Горнай нүөл сириттэн-уотуттан үүнэн-сайдан тахсыбыт дьоннор буолаллара ону бигэргэтэр.

- Үлэбит биир сүрүн соруга эдэр спортсменнары эт-хаан өттүнэн эрчийиини таһынан, кинилэр спортивнай маастарыстыбаларын үрдэтии, хас биирдии успуорт көрүҥэр үрдүк чыпчаал ситиһиини көрдөрүү буолар. Бу инниттэн төгүрүк сыл устата оҕолору дьарыктыыбыт. Сайыҥҥы өттүгэр чэбдигирдэр спортивнай лааҕырдары, күнүскү эрчиллэр сбордары тэрийэн үлэлэтэбит.

9e7a2c8a fc22 4f89 8336 3a872f6363b5 copy

14e202ba bf31 4c5e 885d b0d9cc29ccc6 copy

Тустууктарга "Боотур", оҕунан ытааччыларга "Бэргэн", буулдьанан ытааччыларга "Стрелок" диэн лааҕырдар аhыллан, спорсменнарбыт дьарыктаналлар. Сылын аайы спортивнай оскуолабыт выпускниктара араас анал үөрэх кыһаларыгар туттарсан киирэллэр. Ордук М.К. Аммосов аатынан ХИФУ Физкультура уонна успуорт институтугар, Чурапчытааҕы судаарыстыбаннай физкультура уонна успуорт институтугар, Р. Дмитриев аатынан Олимпийскай эрэллэри бэлэмниир училищеҕа туттарсан үөрэнэн, анал идэ ылан, дойдубут, өрөспүүбүлүкэбит араас муннуктарыгар эдэр ыччаты успуорка угуйа, бэйэлэрин баай кылааттарын спорт сайдыытыгар киллэрсэ сылдьалларыттан астынабыт, кинилэр тустарыгар үөрэбит, - Роман Романович салайааччы быһыытынан эрэ буолбакка, аҕа киһи быhыытынан үөрэппит оҕолоро ситиһиилэринэн киэн тутта кэпсиир.

a5e46597 7477 4454 a9ab 84bcf4d4441d copy copy

- 2021 с. буолан ааспыт XXI Манчаары оонньууларын чэрчитинэн тутуллубут оҕунан уонна саанан ытыыга аналлаах универсальнай тир уонна 50 миэстэлээх интэринээт дьиэ тутуллуута — бу улуус дьоно өр сылларга туруорсубут уонна ону кытта үөрүүлээх ситиһиибит.

Манна биир түгэҥҥэ тохтоотоххо, тир тутуллуутугар үп өттүгэр боппуруостар үөскээбиттэригэр ол мунньахха Ил Дархан Айсен Николаев тир тутуллуутун сөптөөҕүнэн ааҕарын, бу үс сүрүн көрүҥнэргэ Горнайтан силистээх дьон аан дойду таһымыгар үрдүк ситиһиилэрэ туоһулуурун чорботон бэлиэтээбитин истэргэ олус үчүгэй, киэн туттуулаах этэ. Айсен Сергеевич хамаандатыгар спортивнай оскуолабыт тутуллуутугар кыттыспыт, сыраларын ууран туран үлэлэспит дьоҥҥо махталбыт муҥура суох. Саҥа эбийиэктэр тутуллубуттара инникитин төһүү күүс буолан, эдэр спортсменнарбыт өссө сайдан, олимпийскай оонньууларга тиийиэхтэрэ диэн эрэллээхпин – диэн Роман Романович Пахомов кэпсэтиибит түмүгэр санаатын үллэһиннэ.

  • 7
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением