Турцияҕа саамай элбэх турист Германияттан сынньана кэлэр – 7,6 мөл., иккис миэстэҕэ Арассыыйа таҕыста – 4,9 мөл. киһи, үһүс миэстэҕэ Великобритания -3,8 мөл. киһи сынньанар эбит.
Арассыыйа ырыынагар эрэ буолбакка, Германияҕа эмиэ путевка сыаната хас да бүк ыараан, сыаналаах отеллар кураанахсыйан эрэллэр. Ньиэмэстэр эрдэ бронируйдаабыт путевкаларын сотторон кэбиһэллэр уонна биир-икки күн хаалбытын кэннэ чэпчэки сыаналааҕы көрдөөн, “умайан” эрэр путевканы бронируйдууллар. Германияҕа евро куурсунан отель сыаната олус ыараан, бронь ахсаана 40% кыччаабыт. Арассыыйаҕа путевканы эмиэ евро куурсунан атыылыыллар, ону тэҥэ уматык төлөбүрэ, биир киһиэхэ 8232 солк. эбии ааҕыллар.
Оттон сейсмология бэрэпиэссэрэ Халюк Эйидоган Стамбул куоракка 7 бааллаах сир хамсааһына буолуон сөбүн сабаҕалаата уонна цунами түстэҕинэ сорох оройуоннар ууга барыахтара диэн сэрэттэ.
-
0
-
0
-
0
-
0
-
0
-
0
