Итинтэн сылтаан үксүн кыра хамнастаах үлэһиттэр, дьахталлар үлэлэрин сүтэриэхтэрэ. Искусственнай интеллект преподаватель, юрист, копирайтер, буҕаалтыр, архитектор о.д.а. идэлээх үлэһиттэри солбуйуо. Күн бүгүн куйаар ситимигэр хайа баҕарар тиэкиһи бэйэтэ суруйар, эбэр-көҕүрэтэр киһи курдук өркөн өйдөөх робот баар, кини биэнсийэни эмиэ автоматически ааҕар.
Киһиттэн уратыта диэн искусственнай интеллектээх көмпүүтэргэ уоппуска, больничнай төлөммөт, ону таһынан, тиэхиньикэ сылайар диэни билбэккэ күн аайы да үлэлиэн сөп. Ол иһин улахан корпорациялар ороскуоттарын кыччатаары искусственнай интеллеккэ көһүөхтэрэ.
Быйыл Санкт-Петербург куоракка буолбут Аан дойдутааҕы экэнэмиичэскэй пуорумҥа Сбербаан бырабылыанньатын бэрэссэдэтээлэ Герман Греф судаарыстыбаны салайар үлэ сороҕун искусственнай интеллеккэ биэрэргэ этии киллэрбитэ. Кини этэринэн, робот бэрик ылбат, онон бүддьүөт харчытын “сиэһин” аччыыр кыахтаах.
-
1
-
0
-
0
-
0
-
0
-
0
