Күрэх түмүгүнэн 25 киһи кыайыылааҕынан тахсан, өрөспүүбүлүкэ салайар үлэтин анал резервэтигэр киирдэ.
Ону кытта үс муҥутуур кыайыылаахтар ааттаннылар. Кинилэр дьүүллүүр сүбэ ааҕыытынан саамай улахан бааллары ыллылар. Муҥутуур кыайыылааҕынан Ньургууна Соколова буолла, иккис миэстэҕэ тигистэ Александр Баланов, үһүскэ – Рустам Шагабеев.
Күрэхтэһиини СӨ баһылыгын Дьаһалтата, СӨ Бырабыыталыстыбата, Саха Сирин ыччат бэлиитикэтигэр министериистибэтэ, Инновационнай менеджмент үрдүкү Оскуолата тэрийэн ыыттылар. Күрэхтэһиигэ 500 сайаапка киирбититтэн, 104-дэ түмүккэ кииирбит.
Дьүүллүүр сүбэҕэ олохтоох уонна федеральнай испэсэлиистэр киирэн, күрэх кыттыылаахтарын тус санааларын сатаан тиэрдэллэрин, баар быһыыны-майгыны, олохтоох дьон күннээҕи кыһалҕаларын төһө билэллэрин, лиидэр хаачыстыбыларын, систиэмэлээхтик толкуйдуулларын, аныгы кэмҥэ сатаан эппиэттээн үлэлиир кыахтарын көрдүлэр.
-
0
-
0
-
0
-
0
-
0
-
0
