Байыас кэлээтин олорор сиригэр баар поликлиникаҕа суруттарыахтаах, ол кэннэ киниэхэ анаан тута мэдиссиинэ өҥөтүн оҥоруу былаана оҥоһуллар.
“Бүгүҥҥү туругунан, 167 анал байыаннай дьайыы кыттыылааҕа уонна 85 дьиэ кэргэнин чилиэнэ доруобуйаларын көннөрдүлэр. 183 киһиэхэ уонна 111 дьиэ кэргэттэрин чилиэннэригэр психотерапевт уонна психиатр көмөтө оҥоһулунна. 60 байыас уонна чугас аймахтарыттан 122 киһи “Бэс чагда” санаторийга сынньаннылар”, - диэн иһитиннэрдэ доруобуйа харыстабылын министрин э.т. Лена Афанасьева.
Алтынньы 11 күнүттэн Уһук Илиҥҥи уокуругун госпиталларыгар доруобуйа харыстабылын уопуттаах тэрийээччитэ Владимир Богдашин салайыытынан психиатр-быраас, травмотолог-хирург баран үлэлиэхтэрэ.
Санатан эттэххэ, Саха Сирин Ил Дарханын Айсен Николаев сорудаҕынан 2022 сыл сэтинньи ыйыттан өрөспүүбүлүкэ быраастара госпиталларга баран байыастарга тиһигин быспакка көмөнү оҥороллор.
-
0
-
0
-
0
-
0
-
0
-
0
