Быйыл бу күрэххэ Арассыыйа уонна Белоруссия 40 куоратыттан оҕолорго аналлаах хаһыаттар, сурунааллар уонна саайтар эрэдээксийэлэрэ кытыннылар. Түмүгү таһаарыы Калининград, Зеленогорск куораттарга буолла.
Бэлиэтээн эттэххэ, бу кыайыы улахан үлэ түмүгүнэн буолар. Оҕолору ааҕарга, чуолаан ийэ тылыгар уһуйарга анаан “Кэскил” издательствота 2018 сылтан куйаар ситимигэр keskil14.ru саайты үлэлэтэр. Манна араас ис хоһоонноох мультимедийнай биэриилээри оҥоруу тиһигин быспакка тахса турар. “Бэлэм буол” саҕаттан үлэлиир “оҕолор оҕолор тустарынан” рубрика салҕанан барара кэрэхсэбиллээх. Ону тэҥэ, “Саха Сирин туһунан 100 чахчы” диэн ааттаах видеороликтар ордук дьон болҕомтотун тартылар.
Билигин “кэскиллэр” оҕону ботуруйуоттуу иитиигэ аналлаах “Саас” диэн мобильнай приложение бырайыагын оҥордулар. Манна эдэр корреспонденнар историяҕа, географияҕа видеоуруоктары устан таһаараллар.
Биһиги биир идэлээхтэрбитин улахан кыайыыларынан эҕэрдэлиибит!
-
5
-
0
-
0
-
0
-
0
-
0
