Ол эрээри, мин санаабар биирдиилээн тылы билбэт буолуу улахан алҕас да, алдьархай да буолбатах.
Ити бииринэн долгуйууттан умнуу буолуон сөп.
Иккиһинэн, чахчы билбэт да буоллахтарына, эйгэлэрэ уларыйыытын, эбэтэр атынын туоһута. Ол аата өрүс оҕолоро буолбатахтар, кыдьымаҕы көрбөтөхтөр, кыра эрдэхтэриттэн төрөппүттэриттэн истибэтэхтэр, оттон уус-уран литэрэтиирэҕэ аахпыт да буоллахтарына, өйдөөбөккө аһарбыттар.
Манна киһи ытырыктатара биир эрэ – ол аата ыччат улам куораттыйан, эйгэтэ уларыйан иһэр. Ол, дьиҥэр, үчүгэй да, куһаҕан да өрүттээх, олох хаамыытынан көстөр көстүү диэххэ сөп.
Арай эйгэ уларыйыытыгар тылларын уларыппакка, саха тылын илдьэ хаалаллара, ол аата кыдьымах оннугар, холобур, билим, урбаан, түмэл, уһуйаан, угуйук, сигэ (гиперссылка), билэ (файл), сэмсэ (мобильное приложение) диэн аныгы "куорат эйгэтигэр" туттуллар тыллары олохторугар туһанар буоллахтарына, ол аата тылбыт сүтүө суоҕа.
Уларыйыа, ол гынан баран сүтүө суоҕа.
Олоҕу кытта тэҥҥэ хаамар, уларыйар эрэ тыл, былыргыны кытта умнуллан хаалбакка, тыыннаах буолар.
Халан.
-
7
-
0
-
2
-
0
-
1
-
1
